தமிழக பாரதிய ஜனதா கட்சியிலும் காங்கிரஸ் பாணியில் கோஷ்டி பூசல் வெடித்துள்ளது. தமிழக பாஜக தலைவர் தமிழிசை சவுந்தரராஜனுக்கு எதிராக போர்க்கொடி தூக்கி டெல்லிக்கு புகார் மனுக்கள் அனுப்பி வைக்கப்பட்டிருப்பது சலசலப்பை ஏற்படுத்தியுள்ளது.
தமிழக பாரதிய ஜனதாவின் இளைஞரணித் தலைவராக இருப்பவர் வினோஜ். இவர் சென்னை செக்கர்ஸ் ஹோட்டல் உரிமையாளர் பன்னீர்செல்வத்தின் மகன்.
அதிரடி ரெய்டு
அண்மையில் வினோஜ் வீட்டில் வருமான வரித்துறையினர் அதிரடி ரெய்டு நடத்தினர். சினிமா பிரபலங்கள், தொழிலதிபர்கள் பதுக்கி வைத்த செல்லா ரூபாய் நோட்டுகளை புதிய ரூபாய் நோட்டுகளாக மாற்ற உடந்தையாக இருந்தார் என்ற புகாரின் அடிப்படையில் இந்த சோதனை நடத்தப்பட்டது.
கிடுக்குப்பிடி ரெய்டு
இச்சோதனையைத் தொடர்ந்து வருமான வரித்துறையினர் வினோஜை நேரில் வரவழைத்து கிடுக்குப்பிடி விசாரணையும் நடத்தினர். கருப்பு பணத்தை ஒழிப்பதாக சொல்லும் பாஜகவில் கருப்பு பண பதுக்கல் பேர்வழிகளுக்கு உடந்தையாக இருந்த வினோஜ் தொடர்ந்து பதவியில் நீடிக்க கூடாது என அவருக்கு எதிர்கோஷ்டி வலியுறுத்தி வந்தனர்.
தமிழிசைக்கு சிக்கல்
ஆனால் தமிழிசை சவுந்தரராஜனோ, கருப்பு பண பதுக்கல் பேர்வழிகளுக்கு உடைந்தையாக இருந்த வினோஜை பதவி நீக்கம் செய்ய மறுத்து வந்தார். இதனால் பாஜக நிர்வாகிகள் கடும் அதிர்ச்சியடைந்தனர்.
நீக்க கோரிக்கை
இதையடுத்து தமிழிசை சவுந்தராஜன் மற்றும் வினோஜ் இருவரையும் மாற்றக் கோரி தற்போது எதிர்கோஷ்டியினர் டெல்லிக்கு புகார் பட்டியலை தொடர்ச்சியாக அனுப்பி வருகின்றனர். இதனால் தமிழிசை சவுந்தராஜனின் தலைவர் பதவிக்கு நெருக்கடி ஏற்பட்டுள்ளது என்கின்றன கமலாலய வட்டாரங்கள்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.