ஜெயலலிதா மறைவுக்குப் பின்னர் தமிழக ஆட்சி நிர்வாகத்தை கட்டுப்பாட்டில் வைத்திருக்கும் மத்திய பாஜக அரசு இப்போது தடையை மீறி ஜல்லிக்கட்டு நடந்ததாக கூறி ஆட்சியை கலைப்போம் எனவும் மிரட்டல் விடுக்கிறது.
ஜெயலலிதா மறைவுக்குப் பின்னர் தமிழகத்தில் மறைமுகமாக ஆட்சி நிர்வாகத்தில் பாஜக தலையிட்டு வருகிறது. ஜெயலலிதா எதிர்த்த உதய் திட்டம், நீட் தேர்வு உள்ளிட்டவற்றுக்கு தமிழகம் ஒப்புதல் தந்தாக வேண்டிய நெருக்கடியை மத்திய அரசு உருவாக்கி வைத்திருக்கிறது. ஜல்லிக்கட்டுக்காக ஒட்டுமொத்த தமிழகமே ஒன்று திரண்டு போராடிக் கொண்டிருப்பதை பற்றி கவலைப்படவில்லை மத்திய பாஜக அரசு.
காவிரி மேலாண்மை வாரியம் அமைக்க வேண்டும் என உச்சநீதிமன்றம் உத்தரவிட்டதையும் பொருட்படுத்தவில்லை மத்திய அரசு. இப்போது ஜல்லிக்கட்டுக்கு அவசர சட்டத்தை கொண்டுவர தமிழக மக்கள் வலியுறுத்துகின்றனர். இதைபற்றியும் கவனத்தில் கொள்ளவில்லை மத்திய அரசு. ஆனால் சுப்பிரமணியன் சுவாமி போன்ற பூனைக் குட்டிகளை விட்டு தமிழக அரசை மிரட்டுவதாக ‘ஆழம்’ பார்க்கிறது மத்திய பாஜக அரசு.
இதே சுப்பிரமணியன் சுவாமி தம்மை ஜல்லிக்கட்டு ஆதரவாளர் எனவும் காட்டிக் கொண்டவர். உச்சநீதிமன்றத்தின் உத்தரவை மதிக்காத கர்நாடகா அரசை கலைக்க திராணியற்றது மத்திய பாஜக அரசு. அங்கு போய்தான் சுப்பிரமணியன் சுவாமிகள் பூச்சாண்டி காட்ட வேண்டுமே தவிர உரிமைக்கு போராடும் தமிழ் மண்ணில் அல்ல என்பதை நினைவில் கொள்ள வேண்டும்.
அருணாச்சலப் பிரதேசம், மணிப்பூர் மாநிலங்களில் குறுக்கு வழியில் ஆட்சியை கைப்பற்றிய கதையை இங்கேயும் அரங்கேற்றலாம் என பாஜக காத்திருப்பதைத்தான் சுப்பிரமணியன் சுவாமியின் இந்த அறிக்கை உள்ளது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.