தமிழக அரசின் தலைமை செயலாளர் ராம மோகனராவ் வீட்டில் இன்று அதிகாலை முதல் வருமான வரித்துறை அதிகாரிகள் சோதனை மேற்கொண்டனர். ராமமோகனராவின் வீட்டில் சோதனை நடத்தப்பட்ட அதே நேரத்தில் அவரது மகன், உறவினர்கள் மற்றும் நெருங்கிய தொழில் அதிபர்கள் என மொத்தம் 13 இடங்களில் வருமான வரித்துறை அதிகாரிகள் சோதனை நடத்தினர்.
அதேபோல், தலைமைச் செயலகத்தில் உள்ள அவரது அலுவலகத்திலும் வருமான வரித்துறை அதிகாரிகள் சோதனை நடத்தினர். இந்த சோதனையில் 40-க்கும் மேற்பட்ட ஆவணங்களும், புதிய ரூபாய் நோட்டுகளாக பல லட்சங்களும், தங்கங்களும், கைப்பற்றப்பட்டுள்ளதாக தகவல்கள் வெளியாகியுள்ளன.
தலைமை செயலர் ஒருவர் வீட்டில் நடத்தப்பட்ட வருமான வரித்துறையினரின் இந்த அதிரடி சோதனை, தமிழகம் மட்டுமல்லாமல் நாடு முழுவதும் பெரும் அதிர்வலைகளை ஏற்படுத்தியுள்ளது. இச் சம்பவம் தமிழகத்துக்கு தலைகுனிவு என்றும், ராம மோகன ராவ் பதவி விலக வேண்டும் எனவும் எதிர்க்கட்சித் தலைவர் ஸ்டாலின் வலியுறுத்தியுள்ளார்.
ராம மோகன ராவ் பதவி நீக்கம் செய்யப்படலாம் என்றும், ஆனால், முதல்வர் தயக்கம் காட்டி வருகிறார் என்றும் அதிகாரப்பூர்வமற்ற தகவல்கள் வெளி வந்து கொண்டிருக்கின்றன.
இந்நிலையில், புதிய தலைமைச் செயலராக இந்திய ஆட்சிப் பணித்துறை அதிகாரியான சகாயத்தை நியமனம் செய்ய வேண்டும் என சமூக வலைதளங்களில் கோரிக்கைகள் வலுத்து வருகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.