சட்ட விரோத பண பரிமாற்றம் சட்டத்தின் கீழ் சேகர் ரெட்டி, அவரது சகாக்கள் சீனிவாசலு ரெட்டி, பிரேம் குமார் மற்றும் இருவர் கைது செய்யப்பட்டுள்ளனர். மேலும், சட்ட விரோதமாக பண பரிமாற்றம் செய்த கொல்கத்தாவைச் சேர்ந்த தொழிலதிபர் பர்சமல் லோதாவை இன்று மும்பை விமான நிலையத்தில் அமலாக்கத்துறை அதிகாரிகள் கைது செய்தனர்.
ஊழல் தடுப்புச் சட்டம், மோசடி செய்தல், கிரிமினல் சதி செய்தல் ஆகிய குற்றச்சாட்டுக்கள் சேகர் ரெட்டி, சீனிவாசலு ரெட்டி மீது தற்போது பாய்ந்துள்ளது. இவர்கள் தற்போது சிறையில் அடைக்கப்பட்டுள்ளனர். இவர்களை 15 நாட்கள் காவலில் எடுத்து விசாரணை மேற்கொள்ள நீதிமன்றத்தில் சிபிஐ மனு தாக்கல் செய்துள்ளது. இவர்கள் இவருவரும் ஜெஎஸ்ஆர் என்ற நிறுவனத்தை நடத்தி வந்தனர். இருவரும் கடந்த 2003ஆம் ஆண்டில் இருந்து தமிழக பொதுப்பணித்துறையின் மணல் சுரங்கங்களை குத்தகைக்கு எடுத்து நடத்தி வருகின்றனர். இவர்கள் 425 லாரிகள், 180 பொக்லைன்களை தங்களது பணிக்கு வாடகைக்கு எடுத்து நடத்தி வந்தனர். ஒரு நாளைக்கு ஒரு லாரியிடம் ரூ. 25,000 முதல் ரூ. 30,000மும், ஒரு பொக்லைனுக்கு ரூ. 19,500மும் சம்பாதித்து வந்தனர். இந்த வகையில் ஒரு நாளைக்கு தமிழகத்தில் இருந்து மட்டும் 1.5 கோடி ரூபாய் வருமானம் ஈட்டி வந்தனர்.
கடந்த சில ஆண்டுகளில் மட்டும் இவர்களது நிறுவனத்தின் ஆண்டு வருமானம் ரூ. 125 கோடியாக அதிகரித்துள்ளது. இவர்கள் முறையாக வரி செலுத்தி வந்துள்ளனர். தற்போது இவர்களை தங்களது கட்டுப்பாட்டில் எடுத்து விசாரிக்க நீதிமன்றத்தில் சிபிஐ மனு தாக்கல் செய்துள்ளது. மேலும் போலீஸ் காவலில் எடுத்து விசாரிக்கவும் மனு தாக்கல் செய்யப்பட்டுள்ளது. தங்களை ஜாமீனில் விடுவிக்க வேண்டும் என்று சேகர் ரெட்டி தரப்பில் மனு தாக்கல் செய்யப்பட்டுள்ளது. ஆனால், மேல் கூறப்பட்ட அந்த இரண்டு மனுக்களும் இந்த மாதம் 23ஆம் தேதிக்கு ஒத்தி வைக்கப்பட்டுள்ளது.
மறைந்த முதல்வர் ஜெயலலிதா பெங்களூர் சிறையில் இருந்து விடுவிக்கப்பட்டபோது தற்போதைய முதல்வர் பன்னீர் செல்வம் திருப்பதி சென்று இருந்தார். அப்போது, அவருடன் சேகர் ரெட்டி நிற்கும் புகைப்படம் வைரலாகி இருந்தது. திருப்பதி தேவஸ்தானத்தின் உறுப்பினராகவும் சேகர் ரெட்டி இருந்தார். இந்த ரெய்டு சம்பவத்திற்குப் பின்னர் அவரை திருப்பதி தேவஸ்தான பொறுப்பில் இருந்து ஆந்திரா முதல்வர் சந்திரபாபு நாயுடு நீக்கினார்.
சென்னை தி.நகரில் ஆந்திரா கிளப் அருகே வீடு எடுத்து சேகர் ரெட்டி தங்கி இருந்தார். அங்கு நடத்தப்பட்ட சோதனையில் 88 அட்டை பெட்டிகளில் ரூ. 1 கோடி அடுக்கி வைக்கப்பட்டு இருந்தது பறிமுதல் செய்யப்பட்டது. இவற்றில் ரூ. 3 கோடி அளவிற்கு புதிய ரூபாய் நோட்டாகும். வேலூரில் இருந்து ரூ 24 கோடி பறிமுதல் செய்துள்ளனர். இவர் பல்வேறு அரசியல் மற்றும் தொழிலதிபர்களுக்கு பரிச்சயமாக இருந்துள்ளார் என்பது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.