சென்னையில் சில நடைபாதை கடைகளில் குறைந்தவிலையில் பிரியாணி விற்பனை செய்யப்படுகிறது. இதற்காக பூனைகள் கொல்லப்பட்டு, பூனை பிரியாணி விற்பனை செய்யப்படுகிறது என்று செய்தி வெளியிட்டு இருந்தது.
இது தொடர்பாக விலங்குகள் நலவாரியத்தின் உறுப்பினர்கள் புகார் செய்ததையடுத்து, சிலர் கைது செய்யப்பட்டனர். ஏற்கனவே கோழிபிரியாணி என்ற பெயரில் காக்கா பிரியாணி வழங்கப்படுவதும், செய்திகளாக நாளேடுகளில் வந்தன. இதனால், நடைபாதை கடைகளிலும், ஒரு சில பிரியாணி கடைகளிலும் பிரியாணி சாப்பிட அசைவம் சாப்பிடுவோர் அஞ்சினர்.
இந்நிலையில், கடந்த சில நாட்களாக நாய்கள் கறிக்காக கொல்லப்படும் புகைப்படங்கள் வெளியாகியுள்ளன. ஒருநபர் நாயை கழுத்தை அறுத்தும், அதை ஆட்டுத்தோல் உரிப்பதுபோல் உரித்து வைத்தும், அதை பெரிய துண்டுகளாக வெட்டிவைத்தும் இருப்பதுபோல் புகைப்படங்கள் வெளியாகி, சமூக வலைதளங்களில் வலம் வருகின்றன. இந்த நாய்கறி சென்னையில் சில கடைகளுக்கு இந்த கறிகள் சப்ளை செய்யப்படுவதாகவும் சமூக வலைதளங்களில் செய்திகள் காட்டுத்தீ போல் பரவி வருகிறது.
இது குறித்து விசாரித்த போது, பெங்களூரில் சிலர் இறைச்சிக்காக நாய்களைக் கொன்றதும், அது தொடர்பாகச சிலர் கைது செய்யப்படதும் தெரியவந்தது. ஆனால், இந்தபுகைப்படம் வெளியானதில் இருந்து, சென்னையிலும் நாய்கறி பிரியாணி சப்ளை செய்யப்படுவது உண்மையோ என அசைவ பிரியர்கள் சந்தேகிக்கின்றனர்.
இது குறித்து பி.எப்.சி.ஐ. அமைப்பைச் சேர்ந்த ஒருநபரிடம் கூறுகையில், சமீபத்தில் கேரளாவில் இதுபோல் நாய்கள் கறிக்காக கொல்லப்படும் சம்பவம் நடந்துள்ளது. சென்னையில் இதுபோல் நடக்கிறதா என்பது குறி்த்து விசாரிக்கிறோம் என்றார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.