திமுக தலைவர் கருணாநிதி தலைமையில் நடைபெறும் இந்தக் கூட்டத்தில் முக்கிய முடிவுகள் எடுக்கப்படும் என்பது தெரிய வந்துள்ளது. தமிழகத்தில் முதல்வர் ஜெயலலிதா மறைந்த பின்னர் அரசியல் மாற்றங்கள் ஏற்பட்டுள்ளது. இந்நிலையில், திமுக பொதுக் குழு கூட்டம் அறிவிக்கப்பட்டு இருப்பது கவனிக்கத்தக்க ஒன்றாக உள்ளது.
திமுக தலைவர் கருணாநிதி கடந்த சில நாட்களாக உடல் நலம் பாதிக்கப்பட்டு சென்னையில் உள்ள காவேரி மருத்துவமனையில் சேர்க்கப்பட்டு இருந்தார். சிகிச்சைக்குப் பின்னர் நேற்று முன்தினம் வீடு திரும்பினார்.
தமிழக அரசியல் சூழல்மாறியுள்ள நிலையில் கட்சியின் எதிர்கால நடவடிக்கைகள் குறித்து இந்தக் கூடத்தில் முடிவு எடுக்கப்படலாம் என்று கூறப்படுகிறது. மேலும், இந்தக் கூட்டத்தில் சட்டப்பேரவை எதிர்க்கட்சித் தலைவராக இருக்கும் ஸ்டாலினுக்கு தலைவர் பதவி வழங்கப்படலாம் என்றும் செய்தி வெளியாகிறது. ஆனால். கருணாநிதிக்கு இறுதி வரை கட்சியின் தலைவர் என்ற பொறுப்பை வழங்கவே கட்சித் தலைவர்கள் விரும்புகின்றனர் என்ற செய்தியும் வெளியாகியுள்ளது.
கடந்த சில நாட்களுக்கு முன்பு ஸ்டாலினும், அழகிரியும் கோபாலபுர இல்லத்தில் சந்தித்துப் பேசினர் என்று கூறப்பட்டது. இந்நிலையில் இன்றும் இவர்கள் இருவரும் கோபாலபுர இல்லத்தில் திமுக தலைவர் கருணாநிதியை சந்தித்துப் பேசினர். இதன்பின்னரே, பொதுக்குழு கூட்ட தேதியை கட்சியின் பொதுச் செயலாளர் அன்பழகன் அறிவித்துள்ளார். அழகிரிக்கும் புதிய பொறுப்பு ஒன்று வழங்கப்படலாம் என எதிர்ப்பார்க்கப்படுகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.