கடந்த முறை 'மான் கி பாத்' நிகழ்ச்சியின் மூலம் பேசிய மோடி, எல்லையில் பாதுகாப்புப் பணியில் ஈடுபட்டிருக்கும் ராணுவத்தினருக்கு தீபாவளியை அர்ப்பணியுங்கள். அவர்களுக்கு வாழ்த்துச் செய்திகள் அனுப்புங்கள் என்று கூறி இருந்தார்.
இன்று அவர் ஆற்றிய மான் கி பாத் உரையில், ரூபாய் நோட்டுகள் செல்லாது என்ற அறிவிப்பைப் பற்றி,'ரூபாய் நோட்டுகள் விஷயத்தைப் பொறுத்த வரையில், எடுக்கப்பட்ட நடவடிக்கை என்பது மிகப் பெரியது. பழைய நிலைமைக்கு திரும்ப குறைந்தபட்சம் 50 நாட்கள் ஆகும். இந்த அறிவிப்பினால் மக்கள் படும் கஷ்டங்களை நான் அறிகிறேன். ஆனால், 70 ஆண்டுகளாக நம் நாட்டை பிடித்திருக்கும் ஒரு நோய்க்கு, சிகிச்சை சுலபமானதாக இருக்க முடியாது. அஞ்சலக ஊழியர்கள் மற்றும் வங்கி ஊழியர்கள் மிகவும் ஈடுபாட்டுடன் கடின உழைப்பையும் செலுத்தி வருகின்றனர். மக்கள் அனைவரும் இந்த முடிவை ஆதரிக்கிறார்கள் என்று எனக்குத் தெரியும். இந்த அறிவிப்பு நிச்சயம் வெற்றி பெரும்.' என்று தெரிவித்தார்.
'கறுப்புப் பணம் வைத்திருப்பவர்கள் ஏழைகளை வைத்து தங்கள் பணத்தை வெள்ளையாக மாற்றுவதை நிறுத்திக் கொள்ள வேண்டும். நேரடி பணப் பரிமாற்றத்திலிருந்து மின்னணு பரிமாற்றம் என்பது கடினமான பாதை தான், இருப்பினும் அதை நோக்கி நாம் பயணிக்க வேண்டும். முற்றிலும் மின்னணுப் பரிமாற்றத்துக்கு மாற முடியாது என்றாலும், பொறுமையாக நாம் அதை நோக்கி பயணிக்க வேண்டும். சிறு வியாபாரிகள் மின்னணு பரிமாற்றத்துக்கு மாறினால் மிகப்பெரிய மாற்றங்கள் நிகழும்' என்றும் அவர் தன் உரையின் போது பேசினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.