இந்த வருடம் அறிவிக்கப்பட்ட காலாண்டு முடிவுகளில் 1.8 பில்லியன் மக்களை ஃபேஸ்புக் சென்றடைந்துள்ளதாகவும், அதில் 1.2 பில்லியன் மக்கள் தினமும் ஃபேஸ்புக் ஆப்ஸை பயன்படுத்துவதாகவும் கூறியுள்ளார். இது கிட்டத்தட்ட இந்திய மக்கள் தொகைக்கு நிகரானது. வளர்ந்து வரும் ஃபேஸ்புக் தன் பயன்பாட்டாளர்கள் டைம்லைனில் சில புதிய உத்திகளை கையாண்டு வருகிறது. வீடியோ ஃபர்ஸ்ட் அணுகுமுறையில் வீடியோ பதிவுகளுக்கு முக்கியத்துவம் அளித்து வருகிறது.
இன்னும் சில தினங்களில் வீடியோக்களுக்கான புதிய சேவைகளை வழங்க உள்ளது. ஃபேஸ்புக் தனது புதிய சேவைகளாக ஃபேஸ்புக் லைவ் மற்றும் இன்ஸ்டாகிராம் தளத்தில் இன்ஸ்டா ஸ்டோரீஸ் வசதியையும் அறிமுகம் செய்தது. அதற்கான பங்களிப்பு அதிக அளவில் உள்ளதாகவும் தெரிவித்துள்ளார். இதனை 100 மில்லியனுக்கும் அதிகமான மக்கள் தினசரி பயன்படுத்தி வருவதாக கூறியுள்ளார். அடுத்த காலாண்டில் இந்த எண்களில் பெரிய மாற்றம் இருக்கும் என்று கூறியுள்ளார்.
வீடியோ ஃபர்ஸ்ட் அறிவிப்பு மூலம் இனி எல்லாமே வீடியோக்களாக இருக்கும். சாதாரண பதிவுகளை கூட மக்கள் வீடியோக்களாக பதிய துவங்குவர் என கூறும் மார்க். இனி எல்லாம் வீடியோ தான் என்ற விஷயத்தை அழுத்தமாக கூறியுள்ளார்.
ஏன் இந்த அறிவிப்பு?
ஃபேஸ்புக் அனைத்து விதங்களிலும் தனக்கு போட்டியான நிறுவனங்களை வீழ்த்தி நம்பர் 1 இடத்தில் உள்ளது. சமூக வலைதளங்களில் ஃபேஸ்புக் தான் டாப், புகைப்பட பகிர்தலில் இன்ஸ்டாகிராம், உடனடி தகவல் ஆப்ஸில் வாட்ஸ்-அப் என கெத்து காட்டும் ஃபேஸ்புக்கின் ஒரே எட்டாக்கனியாக இருந்தது யூ-ட்யூப் தான்.அந்த வீடியோ தளத்தை வீழ்த்தும் உத்தி தான் இந்த வீடியோ ஃபர்ஸ்ட் அறிவிப்பு எனக்கூறப்படுகிறது.
ஃபேஸ்புக் லைவ், வீடியோக்களுக்கான புதிய டூல் என தெறி அறிவிப்புகள் வாடிக்கையாளர், விளம்பரதாரர் என அனைவரையும் ஈர்க்கும் வீடியோ விரைவில் பணம் தரும் வர்த்தக தளமாகவும் மாறவுள்ளதாம். மார்க் போட்ட ஸ்கெட்ச் ஏற்கெனவே வேலை செய்ய ஆரம்பித்துவிட்ட நிலையில் விரைவில் வீடியோ தளங்களிலும் ஃபேஸ்புக் நம்பர் 1 இடத்தை பிடிக்கும் என கூறப்படுகிறது.
அப்பறம் என்ன தீபாவளிக்கு வெடி வெடிக்கறது ஆரம்பிச்சு...ஏரியால மழைனு சொல்லுற வரைக்கும் ஸ்டேட்டஸ் போட்ட நம்மூர்காரங்க எல்லாம் இனி ஃபேஸ்புக் லைவ் பண்ணி தெறிக்கவிடுவாங்க...இனி எல்லாமே வீடியோ தான்!
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.