மிஸ்ட்­கோலால் அறி­மு­க­மான பெண் உறவு கொள்ள பணம் கேட்டதால் கொலை

Share on Whatsapp

மிஸ்ட்கோல்’ மூலம் அறி­மு­க­மான பெண், உல்­லா­ச­மாக இருக்க பணம் கேட்­டதால் ஆத்­தி­ர­ம­டைந்த நபர் ஒருவர் கல்லால் தாக்கி அப் ­பெண்ணை கொலை செய்­துள்ளார்.

தமி­ழ­கத்தின், சேலம் மாவட்டம் மேச்­சேரி அரு­கே­யுள்ள தெத்­தி­கி­ரிப்­பட்டி ஊராட்சி மோட்டூர் பகு­தியைச் சேர்ந்­தவர் கோவிந்­தம்மாள்(55). கண­வரை பிரிந்து தாயா­ருடன் வசித்து வந்த இவர் மேச்­சே­ரி­யி­லுள்ள தேநீர்­க­டை­க­ளுக்கு பல­காரம் செய்து கொடுத்து வரு­வதை தொழி­லாகச் செய்­துள்ளார்.

இந்­த­நி­லையில் கோவிந்­தம்மாள் கடந்த 21ஆம் திகதி மல்­லி­குந்தம் ஊராட்சி சூரி­யனூர் காட்­டு­வ­லவு ஊஞ்­சக்­காடு என்னும் இடத்தில் தலையில் கல்லால் தாக்கி கொலை செய்­யப்­பட்டு சட­ல­மாக கிடந்­துள்ளார்.

இது குறித்து பொலிஸ் இன்ஸ்­பெக்டர் பாஸ்­கரன், சப் இன்ஸ்­பெக்டர் நட­ராஜன் ஆகியோர் வழக்­குப்­ப­திவு செய்து விசா­ரணை நடத்தி வந்­தனர்.

இத­னைத்­ தொ­டர்ந்து கோவிந்­தம்­மாளின் செல்­போ­னுக்கு வந்த அழைப்­புகள் குறித்து விசா­ரணை நடந்­தது.

இதில் தர்­ம­புரி மாவட்டம் நல்­லம்­பள்ளி ஒன்­றியம் கம்­மம்­பட்டி மலை­யூர்­காடு பகு­தியை சேர்ந்த கட்­டடத் தொழி­லாளி குமார் (42) என்­பவர் கோவிந்­தம்­மா­ளிடம் அடிக்­கடி பேசியமை தெரி­ய­வந்­தது.

இத­னை­ய­டுத்து குமா­ரிடம் பொலிஸார் நடத்­திய விசா­ர­ணையில் அவர் கோவிந்­தம்­மாளை கொலை செய்­ததை ஒப்­புக்­கொண்டார். அதை­யொட்டி பொலிஸார் அவரை கைது செய்­தனர்.

இந்த சம்­பவம் குறித்து குமார் பொலி­ஸா­ரிடம் அளித்த வாக்­கு­மூ­லத்தில், நான் மனைவியை பிரிந்து 4 ஆண்­டு­க­ளாக வெவ்­வேறு இடங்­களில் கட்­டட வேலை செய்து வந்தேன்.

இந்த நிலையில் கடந்த மாதம் எனது செல்­போ­னுக்கு கோவிந்­த­மாளின் செல்போனிலிருந்து ‘மிஸ்ட்கோல்‘ வந்­தது.

இத­னை­ய­டுத்து கோவிந்­த­ம்மா­ளிடம் அடிக்­கடி பேசி வந்தேன்.

இதில் எங்­க­ளுக்குள் பழக்கம் ஏற்­பட்­டது. இரு­வரும் கடந்த 20ஆம் திகதி மாலை மேச்சேரி பஸ் நிலை­யத்தில் சந்­தித்தோம்.

அப்­போது பரோட்­டாவும், மதுவும் வாங்கி வா என கோவிந்­தம்மாள் கூறினார்.

பின்பு இரு­வரும் சூரி­யனூர் காட்­டு­வ­லவு ஊஞ்­சக்­காடு பகு­தியில் ஆட்கள் நட­மாட்டம் இல்­லாத இடத்­துக்கு சென்று அங்கு மது குடித்து விட்டு பரோட்டா சாப்­பிட்டோம். பின்பு உல்­லா­சத்­திற்கு கோவிந்­த­மாளை அழைத்தேன்.

அதற்கு அவள், 500 ரூபா கொடுத்­தால்தான் என்னை தொடு­மா­றும் இல்­லை­யென்றால் என்னை தொடாதே எனவும் உல்­லா­சத்­திற்கு மறுத்தாள்.

நான் மதுவும், பரோட்­டாவும் வாங்கி வந்து விட்டேன், 150 ரூபா மட்­டும் தான் உள்­ளது என கூறினேன்.

அப்­போது பணம் இல்­லாமல் எதற்­குடா வந்தாய்? என கூறி எனது கழுத்தை பிடித்து கோவிந்­தம்மாள் நெரித்தாள்.

நான் மது­ போ­தையில் இருந்ததால் ஆத்­தி­ரத்தில் கோவிந்­தம்­மாளின் தலையில் கல்லால் தாக்­கினேன்.

இதில் அவள் இறந்து விட்டாள் பின்னர் அவள் அணிந்திருந்த அரை­ப்பவுன் தங்க கம்மலை எடுத்துக் கொண்டு அங்­கி­ருந்து தப்பிச் சென்று விட்டேன்.

இவ்­வாறு குமார் வாக்­கு­மூலம் கொடுத்­துள்­ள­தாக பொலிஸ் தரப்பில் தெரிவிக்கப்பட்டது.

இத­னை­ய­டுத்து குமாரிடமிருந்து கோவிந்தம்மாளின் தங்க கம்மலை பறிமுதல் செய்த பொலிஸார் குமாரை சிறையில் அடைத்­துள்­ளனர்.