விடுமுறையில் விமானப் பயணம் செய்யும் 69 சதவீதம் அமெரிக்கர்களின் கவலையே, சரியான விலையில் விமான டிக்கெட் புக் செய்ய முடியாததுதானாம். காரணம் சரியான திட்டமிடல் இல்லாததால், விலை அதிகமான விமான டிக்கெட்களையே பதிவு செய்கிறார்களாம். இதேபோல பயணங்களுக்காக விமானப் பயணத்தை தேர்வு செய்யும் பெரும்பாலோனோரின் கவலை, அதிக விலைதான்.
அதற்கு கைகொடுக்க இருக்கிறது கூகுளின் Flights சேவை. நீங்கள் பயணம் செய்யும் நாள், செல்ல வேண்டிய இடம், தேர்வு செய்யும் விமான நிறுவனம் ஆகியவற்றை மட்டும் இதன் வசம் ஒப்படைத்தால் போதும். நீங்கள் இதனைப் பதிவு செய்தது முதல், தினந்தோறும் உங்களுக்கு விமானக் கட்டணத்தில் ஏற்படும் மாறுதல்களை தெரிவித்துக் கொண்டே இருக்கும் கூகுள். இதனால் குறைந்த விலைக்கு நம்மால், விமான டிக்கெட் பதிவு செய்ய முடியும்.
இந்த சேவையின் மூலம், எளிதாக ஹோட்டல்கள், விமானம் ஆகியவை புக் செய்யவும், டென்ஷன் இன்றி பயணம் செய்யவும் முடியும். நீங்கள் செல்ல வேண்டிய விமானம், இடம் ஆகியவற்றைக் கொடுத்தால் போதும். விமானக் கட்டணத்தில் ஏற்படும் மாறுதல்களை உங்களுக்கு மின்னஞ்சல் மூலமாகவோ அல்லது கூகுள் நவ் சேவையின் கார்டுகள் மூலமாகவோ உங்களுக்கு தகவல்கள் வந்துகொண்டே இருக்கும். இதனை தினமும் பின்தொடர்வதன் மூலமாக உங்கள் விமானப் பயணத்தை மிகக் குறைந்த விலையில், சரியான நேரத்துக்கு புக் செய்ய முடியும். நீங்கள் செல்ல வேண்டிய விமானத்தின் டிக்கெட் விலை, விரைவில் அதிகமாக இருக்கிறது என்றால் அதனை உங்களுக்கு முன்கூட்டியே சொல்லும். உடனே நீங்கள் டிக்கெட் புக் செய்வதன் மூலமாக, கூடுதல் கட்டணத்தில் இருந்து தப்பிக்கலாம்.
குறிப்பிட்ட விமானத்தைக் குறிப்பிடாவிட்டால் கூட பரவாயில்லை. நீங்கள் செல்ல வேண்டிய இடத்தை, உதாரணமாக சென்னை - டெல்லி எனக் கொடுத்துவிட்டால் போதும். அந்தப் பயணத்தடத்தில் இருக்கும் எல்லா விமானங்களின் கட்டணங்கள், நேரங்கள் போன்ற விஷயங்களையும் தெரியப்படுத்தும். இதன் மூலம் நமது நேரமும், பணமும் மிச்சமாகும். இந்த சேவை விரைவில் வரவிருக்கிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.