முதல்வரின் உடல்நிலை குறித்து பல்வேறு வதந்திகள் வெளியாகி வருகிறது.திமுக தலைவர் கருணாநிதி, இதுபற்றி ஏற்கனவே அறிக்கை ஒன்றை வெளியிட்டு இருந்தார்.தற்போது, தேமுதிக தலைவர் விஜயகாந்தும் இதுபற்றி அறிக்கை வெளியிட்டு இருக்கிறார்.
இது தொடர்பாக அவர் வெளியிட்டுள்ள அறிக்கையில், "தமிழகத்தில் நடக்கப் போகும் உள்ளாட்சித் தேர்தலுக்கான வேட்புமனுத் தாக்கல் இன்றோடு முடியும் நிலையில், நடக்க இருக்கும் உள்ளாட்சித் தேர்தல் நேர்மையாகவும், உரிய பாதுகாப்புடன் மக்கள் வாக்களிக்கும் வகையில் இந்த தேர்தலை நடத்திய தேர்தல் ஆணையமும், ஆளும் கட்சியும் மக்களுக்கு நம்பிக்கை தர வேண்டியது அவசியமாகிறது. இன்றைய நிலையில் தமிழ்நாட்டில் நிரந்தர கவர்னர் இல்லாத நிலையிலும் ஒரு மருத்துவமனையில் பன்னிரெண்டு நாட்களுக்கு மேல் அனுமதிக்கப்பட்டு செயல்படாத முதலமைச்சரைக் கொண்டதாகவும் உள்ளது. தமிழகத்தில் நடக்கும் பல்வேறு பிரச்னைகளுக்கு உடனடி கவனம் செலுத்தி உரிய முடிவுகளை எடுக்க முடியாத அரசாக இந்த அரசு உள்ளது. எனவே, முதல்வரின் உடல்நிலை முழுவதும் சீராகும் வரை அந்த பொறுப்புக்கு வேறு ஒரு நபரை இந்த அரசு தேர்ந்தெடுக்க வேண்டும். மருத்துவமனையில் நடக்கும் உண்மை நிலையை மக்களுக்கு அறிவிக்கும் வண்ணம் முதல்வர் தன்னிலை விளக்கம் அளிக்க வேண்டும். இந்த கருத்தை வலியுறுத்தி அனைத்து எதிர்க்கட்சியினர் கேட்டும் செவிடன் காதில் ஊதிய சங்குபோல இந்த அரசு செயல்படுவது முறையல்ல. நீங்கள் எதிர்க்கட்சித் தலைவராகவோ அல்லது ஆட்சியில் இல்லாதவராகவோ இருந்தால் இது பற்றி யாரும் பேச வேண்டிய அவசியம் இல்லை. ஆளும் முதல்வர் வாக்களித்த மக்களுக்கு உங்கள் விளக்கத்தை தர வேண்டியது மிக முக்கியமாகும். தலைமை செயலகத்தை மருத்துவமனையாக மாற்றினீர்கள்.இப்பொழுது மருத்துவமனையே தலைமை செயலகமாக மாறி இருப்பது வருத்தம் அளிக்கிறது.அரசு தொய்வில்லாமல் செயல்படுவது போல் மக்களை நம்பவைத்து கொண்டு இருக்கிறீர்கள்.
மனிதராக பிறந்த அனைவருக்கும் உடல்நிலை சரியில்லாமல் போவதும், பின் குணமடைவதும், இயற்கையான ஒன்று. எனவே மூடி மறைக்க வேண்டிய அவசியமில்லை என்பதைக் கருத்தில் கொண்டு உரிய அறிவிப்பை இந்த அரசு உடனே மேற்கொள்ள வேண்டும். லண்டனில் இருந்து வந்த மருத்துவர் மேலும் சில நாள் ஜெயலலிதா ஓய்வு எடுக்க வேண்டும் என்று கூறியுள்ளார்.முதலமைச்சரின் உடல்நிலை பற்றி அப்போலோ மருத்துவமனை தான் அதிகாரப்பூர்வ அறிக்கையை தருகிறது. கவர்னர் வித்யாசாகர் அவர்கள் தந்த அறிவிப்பு யாரும் ஏற்றுக்கொள்ள முடியாத நிலையில் உள்ளது,உரியவர்கள் தான் இதற்கு பதில் அளிக்க வேண்டும். உண்மை நிலையை ஜெயலலிதா அவர்களே தன்னிலை விளக்கம் கொடுத்துவிட்டால் தொடர்ந்து மக்களிடையே பரவும் வதந்திகளுக்கு முற்றுப்புள்ளி வைக்கலாம்" என தெரிவித்து இருக்கிறார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.