பிரான்ஸிடம் இருந்து ரூ.59 ஆயிரம் கோடியில் 36 ரபேல் போர் விமானங்களை இந்தியா வாங்குகிறது. இதற்கான ஒப்பந்தம் கடந்த செப்டம்பர் 23-ம் தேதி கையெழுத்தானது. அடுத்த 36 மாதங்களில் ரபேல் போர் விமானங்களை இந்தியாவிடம் ஒப்படைக்கும் பணிகளை பிரான்ஸ் தொடங்க உள்ளது. இந்த விமானங்கள் அணுஆயுதங்களை சுமந்து செல்லும் திறன் கொண்டவை.
இதுகுறித்து சீனாவின் அரசு ஊடகமான குளோபல் டைம்ஸ் அண்மையில் வெளியிட்ட கட்டுரையில் கூறியிருப்பதாவது:
ஆசிய நாடுகள் பெருமளவில் ஆயுதங்களை வாங்கி குவித்து வருகின்றன. இந்தியா ரபேல் போர் விமானங்களை வாங்க பிரான்ஸிடம் ஒப்பந்தம் செய்து கொண்டுள்ளது. இந்த விமானங்கள் மூலம் அணுஆயுத தாக்குதல்களை நடத்த முடியும். இதன்மூலம் இந்தியாவின் வலிமை மேலும் அதிகரித்துள்ளது.
ரபேல் போர் விமானங்களை சீனா மற்றும் பாகிஸ்தான் எல்லைப் பகுதிகளில் இந்திய விமானப் படை நிலைநிறுத்தும் வாய்ப்புள்ளது. இதனால் இந்தப் பிராந்தியத்தில் பதற்றம் அதிகரிக்கக்கூடும்.
உலகளாவிய அளவில் அதிக ஆயுதங்களை கொள்முதல் செய்யும் நாடுகளின் பட்டியலில் இந்தியா, தென்கொரியா, வியட்நாம் ஆகியவை முதல் 10 இடத்தில் உள்ளன.
இவ்வாறு குளோபல் டைம்ஸ் கட்டுரையில் குறிப்பிடப்பட்டுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.