ஜிஇஓ குழும நிறுவனங்களின் தலைவரான ஜார்ஜ் என். நேரேபரம்பிள் என்கிற இந்த தொழிலதிபர் தற்போது கலீஜ் டைம்ஸ் என்கிற மீடியாவுக்கு அளித்துள்ள பேட்டியில் இதைக் குறிப்பிட்டுள்ளார். இது குறித்து பேசியபோது 22 வீடுகளோடு நிற்கப் போவதில்லை, நல்ல விலையில் கிடைத்தால் தொடர்ந்து வீடுகள் வாங்குவேன் என்று குறிப்பிட்டுள்ளார். நான் கனவு காண்கிறேன். கனவு காண்பதை ஒரு நாளும் நிறுத்த மாட்டேன் என்று கூறியுள்ளார்.
உலகின் மிகப் பெரிய கட்டிடமாக விளக்கும் புர்ஜ் கலிஃபாவில் ஆச்சரியமளிக்கும் வகையில் அதிக வீடுகளை வைத்துள்ள தனிநபர்களில் ஒருவராக இடம் பிடித்துள்ளார். எனது உறவினர் ஒருவர் உன்னால் புர்ஜ் கலிஃபாவில் நுழைய கூட முடியாது என்று கிண்டல் செய்தார். ஆனால் இப்போது அங்கு 22 வீடுகள் வாங்கியுள்ளேன் என்று கூறியுள்ளார்.
2010ம் ஆண்டில் இந்த கட்டிடத்தில் ஒரு வீடு வாடகை தொடர்பான விளம்பரத்தை செய்தி தாளில் பார்த்துள்ளார். அந்த நாளி லேயே அதற்கான வாடகையை கொடுத்து, அடுத்த நாளிலிருந்து அங்கு வசிக்கத் தொடங்கியுள் ளார். இந்த ஆறு ஆண்டுகளில் 900 அடுக்கு மாடி வீடுகளைக் கொண்ட புர்ஜ் கலிஃபாவில் 22 சொகுசு வீடுகளுக்கு உரிமை யாளராகியுள்ளார். தற்போது 5 வீடுகளை வாடகைக்கும் விட்டுள்ளார். பிற வீடுகளுக்கு தற்போது பொருத்தமான வாடகைதாரர்களை பார்த்து வருவதாகக் கூறியுள்ளார்.
இவருடைய வளர்ச்சியும் ஆச் சரியமளிக்கும் வகையில் உள்ளது. அதிக வெப்ப நாடுகளான இங்கு குளிர்சாதன கருவிகள் விற்பதற் காக முதன் முதலில் 1976ல் ஷார்ஜா வந்துள்ளார். நேரேபரம்பிள் 11 வயதிலிருந்து தனது தந்தையின் தொழிலுக்கு உதவியாக இருந் துள்ளார். எங்களது ஊரில் மக்கள் பருத்தி விவசாயம் செய்கின்றனர். ஆனால் பருத்தி விதைகளை அலட்சியமாக கருதுவார்கள். நான் அவற்றை விற்பனை செய்து லாபம் பார்த்துள்ளேன். புளியங் கொட்டை விதைகளைக் கூட விற் பனை செய்துள்ளேன். கால்நடை தீவனங்களுக்கான இந்த விதை களை விற்பனை செய்துள்ளேன் என்று தனது கடந்த காலத்தையும் நினைவு கூர்ந்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.