சினாவின் ஹாங்சோவ் நகரில் இன்று (ஞாயிற்றுக்கிழமை) மாலை ‘ஜி–20’ என்னும் 20 நாடுகளின் உச்சி மாநாடு தொடங்குகிறது. இதில் கலந்துக் கொள்ள அமெரிக்க அதிபர் பாரக் ஒபாமாவும் சென்று உள்ளார். ஜி-20 மாநாட்டை முன்னிட்டு சீனா பாதுகாப்பை பலப்படுத்தி உள்ளது. பாதுகாப்பு நடவடிக்கையில் அமெரிக்க பாதுகாப்பு ஆலோசகர் மற்றும் வெள்ளை மாளிகை செய்தியாளர்களுக்கும் விதிவிலக்கு கிடையாது என்றாகிவிட்டது.
பொதுவாக அமெரிக்க அதிபர் ஒபாமா சுற்றுப்பயணம் மேற்கொள்ளும் இடங்களுக்கு வெள்ளை மாளிகையின் செய்தியாளர்களை அழைத்து செல்வது வழக்கமான நடவடிக்கையாக இருந்து வருகிறது. அமெரிக்க அதிபரின் அதிகாரப்பூர்வ விமானமான ஏர்போர்ஸ் ஒன் விமானத்தின் அருகில் சென்று செய்தி சேகரிக்கவும், பார்வையிடவும் அவர்களுக்கு அனுமதி வழங்கப்பட்டு உள்ளது. ஆனால் சீனாவில் அமெரிக்க செய்தியாளர்கள், வந்திறங்கிய ஒபாமாவுக்கு அருகில் செல்லமுயன்ற போது அதனை சீன பாதுகாப்பு அதிகாரிகள் தடுத்து நிறுத்திவிட்டனர். அப்போது அமெரிக்க செய்தியாளர்கள் எவ்வளவோ எடுத்துரைத்தனர், ஆனால் சீன பாதுகாப்பு அதிகாரிகள் செல்ல அனுமதிக்கவில்லை, தடுத்து நிறுத்தினர்.
இதனையடுத்து வெள்ளை மாளிகை பெண் அதிகாரி சீன பாதுகாப்பு அதிகாரியிடம் இது அமெரிக்க விமானம், அவர் அமெரிக்க அதிபர் என்று கூறிஉள்ளார். இதனையடுத்து இது சீனா, எங்கள் நாடு, எங்கள் விமான நிலையம் என்று அந்த அதிகாரி கடுமையாக பேசிஉள்ளார் என்று செய்திகள் வெளியாகி உள்ளது. அமெரிக்காவின் பாதுகாப்பு ஆலோசகர் சுசென் ரைஸ் மற்றும் வெள்ளை மாளிகை மூத்த அதிகாரி பென் ரோடஸ் அதிபர் ஒமாவை நெருங்க முயன்றபோது சீன அதிகாரிகள் அனுமதி மறுத்துவிட்டனர். இச்சம்பவம் சலசலப்பை ஏற்படுத்தியது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.