சட்டப்பேரவையில் இன்று நடைபெற்ற உயர் கல்வி, பள்ளிக் கல்வி, இளைஞர் நலன் மற்றும் விளையாட்டுத் துறை மானியக் கோரிக்கை மீதான விவாதத்தை தொடங்கி வைத்து திமுக உறுப்பினர் தங்கம் தென்னரசு (திருச்சுழி) பேசினார். அவரது கேள்விகளுக்கு உயர் கல்வித் துறை அமைச்சர் கே.பி.அன்பழகன், பள்ளிக் கல்வித் துறை அமைச்சர் பி.பெஞ்சமின் ஆகியோர் அவ்வப்போது குறுக்கிட்டு பதிலளித்தனர்.
அமைச்சர்கள் அதிகமான நேரத்தை எடுத்துக் கொள்வதாகக் கூறி திமுக உறுப்பினர்கள் கோஷமிட்டனர்.
அப்போது குறுக்கிட்ட முதல்வர் ஜெயலலிதா, ''திமுக உறுப்பினர் தங்கம் தென்னரசு அவர்களுக்கு நட்பு ரீதியாக ஒரு ஆலோசனை கூற விரும்புகிறேன். தாங்கள் ஒரு விஷயத்தை சொல்லிவிட்டு அதற்கு அமைச்சர் பதிலளிப்பாரா? அரசு நடவடிக்கை எடுக்குமா? என கேள்வியுடன் முடிக்கிறீர்கள். இதனால் அமைச்சர்கள் எழுந்து பதில் சொல்ல வேண்டிய கட்டாயம் ஏற்படுகிறது. எனவே, வினாவோடு முடிக்காமல், வேறு விதமாக பேச்சை முடித்தால் குறுக்கீடுகளை ஓரளவுக்கு தவிர்க்கலாம்'' என்றார்.
இதனை ஆளுங்கட்சி உறுப்பினர்கள் மேஜையத் தட்டி வரவேற்றனர். அப்போது குறுக்கிட்ட பேரவைத் தலைவர் பி.தனபால், ''முதல்வர் ஆலோசனையின் படி பேசுங்கள்''என்றார்.
அதனைத் தொடர்ந்து பேசிய தங்கம் தென்னரசு, ''நல்ல யோசனை'' என்றார். இந்த சுவாரஸ்யமான விவாதத்தை அனைத்துக்கட்சி உறுப்பினர்களும் ரசித்தனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.