விளம்பரங்களில் தவறான தகவல்களை தெரிவித்து நடிக்கும் தூதர்களுக்கு 5 ஆண்டு சிறை தண்டனையும், 50 லட்சம் ரூபாய் அபராதமும் விதிக்கும் வகையில் நுகர்வோர் பாதுகாப்பு மசோதாவில் திருத்தம் செய்யப்படவுள்ளது.
இது தொடர்பான ஆய்வினை மேற்கொண்ட நாடாளுமன்ற நிலைக்குழு, பல்வேறு பரிந்துரைகளை மத்திய சட்ட அமைச்சகத்திற்கு அனுப்பி வைத்துள்ளது. பரிந்துரை அடிப்படையில், வரைவு சட்ட மசோதா தயார் செய்யப்பட்டு சட்ட அமைச்சகத்தின் ஒப்புதல் பெறப்பட்டுள்ளது.
மத்திய அமைச்சரவையின் ஒப்புதலோடு வரும் குளிர்கால கூட்டத் தொடரில் மசோதா அறிமுகப்படுத்தப்பட வாய்ப்புள்ளதாக அரசு வட்டாரங்கள் தெரிவிக்கின்றன.
இந்த புதிய மசோதா, விளம்பரங்களில் தவறான தகவல்களை தெரிவிப்போருக்கு 2 வருட சிறையும், 10 லட்சம் அபராதமும் விதிக்க வழிவகை செய்கிறது. மீண்டும் அதே தவறு செய்தால் 5 ஆண்டு சிறையும், 50 லட்சம் அபராதமும் விதிக்கப்படும். இந்த மசோதாவின்படி தரமற்ற பொருட்களுக்கு தயாரிப்பாளர் மட்டுமல்லாமல் விளம்பர தூதர்களும் சட்டப்படி பொறுப்பேற்க வேண்டும்.
Thanks To; http://heronewsonline.com/punishment-for-wrong-brand-ambassadors/
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.