இந்த ரூபாய் நோட்டுகள் 226 மரப்பெட்டிகளில் அடைக்கப்பட்டு ‘சீல்’ வைத்து ரெயிலின் பார்சல் பெட்டியில் வைக்கப்பட்டிருந்தது. அந்த பெட்டியின் மேற்கூரையை மர்ம நபர்கள் சிலர் வெட்டி உடைத்து உள்ளே இருந்த ரூபாய் நோட்டுகள் செய்யப்பட்டு இருந்த மரப்பெட்டிகள் சிலவற்றை உடைத்து ரூ.5.78 கோடி ரூபாய் நோட்டுகளை கொள்ளையடித்துச் சென்று விட்டனர்.
இந்த சம்பவம் நாடு முழுவதும் பெரிய பரபரப்பை ஏற்படுத்தியது. முதல் கட்டமாக ரெயில்வே பாதுகாப்பு படை மற்றும் அரசு இருப்புபாதை ரெயில்வே போலீசார் விசாரணை நடத்தினார்கள். ஆனால் எந்த ஒரு துப்பும் கிடைக்காத காரணத்தினால் இந்த வழக்கு சி.பி.சி.ஐ.டி.க்கு மாற்றப்பட்டது.சம்பவம் தொடர்பாக சி.பி.சி.ஐ.டி. போலீசார் விசாரணையை முடுக்கி விட்டுள்ளனர்.
கொள்ளை நடந்த ரெயில் சேலத்தில் இருந்து விருத்தாசலம் வரை டீசல் என்ஜின் மூலமாகவும், அங்கிருந்து சென்னை வரை மின்சார வழித்தடத்திலும் இயக்கப்பட்டிருந்தது. இதனால் விருத்தாசலத்துக்கு பின் ரெயிலில் கொள்ளை யடிக்க வாய்ப்பே இல்லை என்று கூறப்பட்டது. சேலத்தில் ரெயில் நிறுத்தி வைக்கப்பட்டிருந்த போது கொள்ளை சம்பவம் நடந்திருக்கலாம் என்றும் தகவல்கள் வெளியானது.
சென்னை வந்த ரெயிலில் பொருத்தப்படுவதற்கு முன்னர் பணம் கொண்டு வரப்பட்ட ரெயில் பெட்டி ஈரோட்டிலும், அதற்கு முன்னர் கேரளாவிலும் நிறுத்தப்பட்டிருந்தது.
எனவே அந்த இடங்களில் ரெயில் பெட்டியில் துளை போடப்பட்டிருக்கலாம் என்றும் போலீஸ் தரப்பில் தெரிவிக் கப்பட்டது.
இந்நிலையில் ரெயில் கொள்ளை தொடர்பாக துப்பு துலக்க ரெயில் நிலை யங்களில் உள்ள கண் காணிப்பு கேமராக்களை போலீசார் ஆய்வு செய்தனர். அப்போது தாம்பரத்தில் பொருத்தப்பட்டிருந்த கண்காணிப்பு கேமராவில் கொள்ளை நடந்த ரெயி லின் மேற்கூரை பதிவாகி இருந்தது. அதில் பணம் வைக்கப்பட்டிருந்த பெட்டி யின் மேற்கூரை உடைக்கப் படாமல் இருப்பது தெரிய வந்தது. இதன் காரணமாக ரெயில் சென்னைக்கு வத பின்னர்தான் கொள்ளை சம்பவம் அரங்கேறி இருக் கலாம் என்கிற புதிய தகவல் வெளியாகி இருக்கிறது.
இது பற்றி போலீசார் கூறும் போது, தாம்பரத்தில் பதி வான கேமரா காட்சி கள் தெளிவாக இல்லை என்றும் அதனை துல்லிய மாக தெரியும் அளவுக்கு நவீன முறையில் ஆய்வு செய்து வருகிறோம். அதன் பின்னரே இதுபற்றி எதுவும் கூறமுடியும் என்று தெரிவித்தனர். இருப்பினும் இதுதொடர் பாக நடத்தப்பட்ட விசா ரணையில், ரெயில் எழும்பூ ருக்கு வந்து சேத்துப்பட்டு யார்டுக்கு கொண்டு செல்லப்பட்ட பின்னரே அங்கு வைத்து கொள்ளை நடந்திருப்பது அம்பலமாகி உள்ளது.
சேலத்தில் இருந்து ரெயில் பெட்டியில் பணப்பெட்டிகள் ஏற்றப்பட்டபோதே கொள்ளை கும்பல் பெட்டிக் குள் பதுங்கி இருந்திருக்கலாம் என்றே போலீசார் உறுதியாக நம்புகிறார்கள். எழும்பூர் வரும் வரை காத்திருந்து சேத்துப்பட்டு யார்டுக்கு ரெயில் சென்றபின் பெட்டிக்குள் இருந்தபடியே கொள்ளையர்கள் மேற் கூரையை உடைத்து ரூ.6 கோடி பணத்தை அள்ளிச் சென்றிருக்கலாம் என்று கூறப்படுகிறது. இது தொடர் பாக சி.பி.சி.ஐ.டி. போலீசார் தீவிரமாக விசாரித்து வருகிறார்கள்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.