மதுரை எல்லீஸ் நகர் தனியார் பள்ளியில் படிக்கும் பூரணி வரைந்த ஓவியங்களை, மதுரை யூ.சி மேல்நிலைப்பள்ளியில் கண்காட்சியாக வைக்கப்பட்டது. பூரணியின் நண்பர்களும் அவர்களின் பெற்றோர்களும் ஓவியங்களைப் பாராட்ட, பூரணியின் முகமெல்லாம் சிரிப்பு.
"எப்படி பூரணி, இப்படி அசத்தினீங்க" என்றால்
" நான் எல்.கே.ஜி ல படிக்கும்போதிருந்தே வரையிறதுன்னா ரொம்ப பிடிக்கும். எப்ப எதுகேட்டாலும் அப்பா வாங்கி தருவாங்க. ஆனா நான் அவங்க கிட்ட அடிக்கிற கேட்கிறது டிராயிங் மெட்டீரியல்தான். 99 பூக்களை வரையலாம்னு ஐடியா கொடுத்ததே எங்க அப்பாதான்" என்கிறார் பூரணி இடையிடையே சிரித்துக்கொண்டே.
மகள், மழலை மொழியில் மகள் பேட்டி கொடுப்பதை ரசித்த பூரனியின் தந்தை அதலையூர் சூரியகுமார்,
"எனது மகளுக்கு ஓவியத்தின் மேல் இருக்கும் ஆர்வம் எனக்கு மகிழ்ச்சியைத் தந்தது. அதனால் அவள் பிறந்தநாளுக்குகூட கலர் பென்சிலும், வாட்டர் கலரும்தான் வாங்கிக்கொடுத்தேன். அதற்கு பின்னர் அவளது கிரியேட்டிவிட்டி எல்லை கடந்து வீட்டுச்சுவர்கள் வரை பறந்தது. ஆனால் பூரணியைத் திட்டவில்லை அவளது எண்ணம்போல் வரைய வைத்தேன். சில மாதங்களுக்கு பிறகு அவளது ஓவியங்களுக்கு உயிர்கொடுக்க நினைத்து அதனை எனது நண்பர்களுக்கு பரிசளித்தேன். எனது நண்பர்கள் இவ்வளவு சின்னவயதில் இப்படிபட்ட ஆர்வமா என்று வியந்தனர்! பிறகு பூரணிக்கு இணையத்தின் மூலமாக வரைய ஐடியாக்களைக் கொடுத்தேன். அதே ஆர்வத்தை முறைப்படுத்த அவளை குறிஞ்சிப்பாட்டில் குறிப்பிடும் காந்தள் முதல் புழகு வரை இருக்கும் 99 பூக்களை வரைய சொன்னேன். பிறகு அதற்கு தேவையான பொருட்களை மட்டும் வாங்கிக்கொடுத்தேன். அவளே 99பூக்களையும் தனித்தனி பேப்பர்களில் நான்கு மாதங்களில் வரைந்து முடித்தாள். அதனைத் தற்போது வெளிக்கொண்டுவரும் நோக்கத்தில் எனது நண்பர்களின் உதவியோடு தற்போது கண்காட்சிக்கு வைத்துள்ளேன்." என்றார்.
அப்பா பேசிக்கொண்டிருக்க, அருகில் இருந்த சார்ட்டில் ஓவியம் ஒன்றை வரைய ஆரம்பித்தார் பூரணி. பூரணியின் ஓவியப் பயணம் பல சாதனைகளை நிகழ்த்தட்டும்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.