கடந்த புதன்கிழமை காலை திருவனந்தபுரம்-கவுகாத்தி விரைவு ரயிலில் பயணித்த சரீனா பேகம்(25), திடீரென பிரசவ வலி ஏற்பட்டுள்ளது. பிரசவத்துக்காக தனது சொந்த ஊருக்கு கணவர் அல்லாம் அகமத் மற்றும் இரு குழந்தைகளுடன் கொல்லம் ரயில் சந்திப்பில் ஏறியுள்ளார்.
ரயிலின் எஸ்.10 கோச்சில் பயணம் செய்த சரீனாவுக்கு திடீரென வலி ஏற்படவும், அகமத் உட்பட ரயிலில் பயணித்த அனைவரும் செய்வதறியாது திகைத்தனர். குடியாத்தம் அருகே சென்றுக் கொண்டிருந்த ரயிலில் சரியாக 7.20 மணிக்கு குழந்தை பிறந்தது. சரியாக 7.50 மணிக்கு காட்பாடி ரயில் நிலையத்திற்கு வந்த ஆம்புலன்ஸில் சரீனா பேகமும் குழந்தையும் வேலூர் மருத்துவக் கல்லூரி மருத்துவமனையில் அனுமதிக்கப்பட்டனர்.
சரீனா பேகமுக்கு மாலதி, ஷேமளா மற்றும் சங்கரி ஆகிய மூவரும் பிரசவம் பார்த்துள்ளனர். குடியாத்தத்தை சேர்ந்த மாலதி, கடந்த 2009 ஆம் ஆண்டு அரசு நடத்திய மருத்துவ ஆய்வுக் கூட பணியாளர் பயிற்சியில் கலந்துக் கொண்டு படித்தவர். மேலும், குடியாத்தம் அரசு மருத்துவமனையில் பிரசவ வார்டில் பணியாற்றிய அனுபவமும் கொண்டவர். பாதியிலேயே படிப்பை நிறுத்திய மாலதி, விரைவு ரயிலில் சரீனா பேகமுக்கு பிரசவம் பார்த்துள்ளார்.
வேலூர் மருத்துவமனையில் அனுமதிக்கப்பட்ட சரீனாவும், குழந்தையும் நலமுடன் இருப்பதாக மருத்துவர்கள் கூறியுள்ளனர். இதனையடுத்து, சரீனா, சரீனாவின் கணவர் மற்றும் ரயில் பயணிகள் திருநங்கைகளுக்கு நன்றியும், பாராட்டு மழையும் பொழிந்தனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.