கடந்த மாதம் 24ம் தேதி சென்னை நுங்கம்பாக்கம் ரயில் நிலையத்தில் கொடூரமாக வெட்டிக் கொலை செய்யப்பட்டார் இன்போசிஸ் ஊழியரான சுவாதி. இந்த கொலை சம்பவம் நடந்து எட்டு நாட்களுக்குப் பின்னர் நேற்று முன்தினம் இரவு கொலையாளி ராம்குமாரை செங்கோட்டை அருகே போலீசார் கைது செய்தனர்.
போலீசார் சுற்றி வளைத்ததை அறிந்து தற்கொலைக்கு முயன்ற ராம்குமார் நெல்லை மருத்துவமனயில் சிகிச்சைக்காக அனுமதிக்கப்பட்டுள்ளார். தொண்டையில் அவருக்கு அறுவைச் சிகிச்சை செய்யப்பட்டிருப்பதால் அவரால் சரிவர பேச இயலவில்லை. இதனால், அவரிடம் வாக்குமூலம் வாங்குவதில் தாமதம் ஏற்பட்டது.
இந்நிலையில், ராம்குமாருக்கு மயக்கம் தெளிந்தபோதெல்லாம் அவரிடம் போலீசார் விசாரணை நடத்தி வருகின்றனர். அதன்படி, நுங்கம்பாக்கம் போலீஸ் துணை கமிஷனர் தேவராஜ் ராம்குமாரிடம் விசாரணை நடத்தினார். அப்போது சுவாதியை கொன்றது ஏன்? என ராம்குமாரிடம் அவர் கேள்வி எழுப்பினார்.
அதற்கு ராம்குமார் அளித்த பதிலாவது:-
நான் எப்போதும் பேஸ்புக் பார்த்துக் கொண்டு இருப்பேன். அதில் தான் சுவாதி எனக்கு பழக்கமானார். பின்னர் வாட்ஸ்-அப் மூலமும் அவரிடம் தொடர்பு கொண்டேன். அடிக்கடி அவருக்கு வாட்ஸ்-அப்பில் செய்திகள் அனுப்புவேன். அவரும் பதில் அனுப்புவார். இதைத் தொடர்ந்து அவரை நேரில் பார்க்க வேண்டும் என்ற ஆசை ஏற்பட்டது. எனவே சென்னை சென்றேன்.
சென்னையில் சுவாதி வீட்டிற்கு அருகிலேலேயே மேன்சன் ஒன்றில் அறை எடுத்து தங்கினேன். சுவாதி வேலைக்கு செல்வதை நோட்டுமிட்டு அவரை பின் தொடர்ந்து சென்று என்னை அறிமுகம் செய்தேன். பேஸ்புக் நண்பர் என்பதால் சுவாதியும் என்னிடம் நட்பாக பேசினார்.
என்னைப் போலவே சுவாதிக்கு பல நண்பர்கள் உண்டு. அவர்களிடமும் சுவாதி அடிக்கடி பேசுவார். அது எனக்கு பிடிக்கவில்லை. என்னிடம் மட்டுமே பேச வேண்டும் என சுவாதியிடம் நான் வலியுறுத்தினேன். ஆனால், அதற்கு மறுப்புத் தெரிவித்த சுவாதி என்னைக் கண்டித்தார்.
ஆனபோதும் ரயில் நிலையத்தில் காத்திருந்து அவரிடம் 2 முறை நான் பேசினேன். அப்போது ஒரு முறை நான் தேவாங்கு போல் இருப்பதாகவும், என்னிடம் இனி பேசாதே என்றும் என் தோற்றத்தைக் குறித்து தரக்குறைவாக பேசினார். அப்போதே எனக்கு அவரது வாயைக் கிழிக்க வேண்டும் என ஆத்திரம் வந்தது. ஆனால், அவர் மீது கொண்ட காதலால் அமைதியாக திரும்பி விட்டேன்.
மீண்டும் 24-ந் தேதி ரயில் நிலையதில் சுவாதியைச் சந்தித்தேன். அப்போது என் காதலை ஏற்றுக் கொள்ளும்படி அவரிடம் மீண்டும் கெஞ்சினேன். ஆனால் அப்போதும் அவர் மறுக்கவே ஆத்திரத்தில் அவரது வாயில் அரிவாளால் வெட்டி கொலை செய்தேன்' எனத் தெரிவித்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.