உலர்ந்த அத்திப்பழம் (fig) - 10
பேரீச்சம்பழம் - 12
பாதாம் - 12
முந்திரி - 12
பிஸ்தா - 12
தேன் - 2 தேக்கரண்டி
நெய் - 2 தேக்கரண்டி
வெள்ளை எள்ளு - 1 மேஜைக்கரண்டி
செய்முறை :
* உலர்ந்த அத்திப்பழத்தை வெந்நீர் ஊற்றி 10 நிமிடங்கள் ஊற வைக்கவும். அது முழுமையாக வெந்நீரில் மூழ்கியிருக்க வேண்டும்.
* வாணலியை அடுப்பில் வைத்து மிதமான தீயில் எள்ளு லேசாக வெடிக்கும் வரை வறுக்கவும்.
* பிறகு அதே வாணலியில் பாதாம், முந்திரி, பிஸ்தா இவைகளையும் வறுத்து ஆற வைக்கவும்.
* இம்மூன்றும் ஆறிய பிறகு மிக்ஸியில் பொடித்துக்கொள்ளவும். மாவாக அரைக்காமல் கொர கொரப்பாக பொடித்து கொள்ளவும்.
* ஊறிய அத்திப்பழத்தை மிக்ஸியில் நன்றாக அரைத்துக்கொள்ளவும்.
* பேரீச்சம்பழத்தை மிக்ஸியில் போட்டு ஒரு சுற்று சுற்றி வைக்கவும்.
* பிறகு வாணலியில் நெய் விட்டு அரைத்த அத்திப்பழத்தையும், பேரீச்சம்பழத்தையும் சேர்த்து நன்றாக கலக்கவும். அவையிரண்டும் நன்றாக ஒன்று சேர வேண்டும். அடுப்பை மிதமான தீயில் வைத்திருக்கவும்.
* 3 நிமிடங்கள் கிளறிய பின் பொடித்து வைத்துள்ள பருப்புகள் மற்றும் தேன் சேர்த்து நன்றாக கிளறவும்.
* அடுப்பை அணைத்துவிட்டு சற்று சூடாக இருக்கும் போதே கைகளில் கொஞ்சம் நெய் தடவிக்கொண்டு இந்தக் கலவையை லட்டுகளாக உருட்டி பிடிக்கவும்.
* உருட்டிய லட்டுகளை வறுத்த எள்ளின் மீது உருட்டி எடுத்து வைக்கவும்.
* எள் சேர்க்க விரும்பாதவர்கள் லட்டுகளை அப்படியேவும் சாப்பிடலாம்.
* சத்துகள் நிறைந்த சர்க்கரை சேர்க்காத இனிப்பு இது. குழந்தைகளுக்கு மிகவும் சத்து நிறைந்தது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.