ஆதி தொப்பில் ஃபபீர்(2), இதயத்தின் உள் மற்றும் வெளிப்புறம் வரை சுமார் 200 கிராம் அளவு வளர்ந்திருந்த புற்றுநோய் கட்டியை 30 க்கும் மேற்பட்ட மருத்துவர்கள் இணைந்து அறுவை சிகிச்சை மூலம் நீக்கியுள்ளனர்.
இதயத்தில் மிகவும் அரிதாக ஏற்படும் இந்த புற்றுநோய் கட்டியை நீக்க, ஆதியின் இதயத் துடிப்பு மற்றும் மூளையின் செயல்பாட்டை சுமார் 40 நிமிடம் வரை நிறுத்தி வைத்து, ஆதியின் உடல் வெப்பநிலையை 15 டிகிரிக்கு குறைத்து அறுவை சிகிச்சை மேற்கொண்டுள்ளனர். சராசரியாக மனிதனின் உடல் வெப்பநிலை 37 டிகிரி செல்சியஸ் ஆகும். அதுவே 22 டிகிரிக்கு கீழ் குறைந்தால் எளிதில் உயிரிழக்கக் கூடும். எனினும், மருத்துவர்கள் மிகவும் கடினமான முயற்சியை கையாண்டு அறுவை சிகிச்சையை வெற்றிகரமாக முடித்துள்ளனர்.
உலகிலேயே நடந்த 5வது வெற்றிகர அறுவை சிகிச்சை இது, என இதய மாற்று அறுவை சிகிச்சை துறையின் தலைவர் மருத்துவர்.எம்.கே.மோசா குன்ஹி கூறியுள்ளார். மற்ற 4 அறுவை சிகிச்சைகளிலும், ஒன்று புற்றுநோய் கட்டி இதயத்துக்கு வெளியே வளர்ந்திருக்கும் அல்லது உள்ளே வளர்ந்திருக்கும், ஆனால் ஆதிக்கு உள்ளிருந்து வெளி வரை வளர்ந்திருந்தது என கூறினார்.
பொதுவாக கருத்தரிப்பின் 3வது நாளில் உருவாகும் இந்த கட்டி ஒரு மாதத்திலேயே கரைந்துவிடும். ஆனால் ஆதிக்கு அது புற்றுநோய் கட்டியாக மாறியது. இதுபோன்ற ஒரு பிரச்சனயை நான் பார்த்ததில்லை என மருத்துவர்.எம்.கே.மோசா குன்ஹி கூறியுள்ளார்.
ஆதிக்கு சில நாட்களுக்கு முன்னதாக கடுமையான காய்ச்சல் ஏற்பட்டதையடுத்து, கடந்த 10ஆண்டுகளாக துபாயில் பணியாற்றி வந்த ஆதியின் பெற்றோர் சிகிச்சைக்காக கொச்சி கொண்டு வந்தனர். இங்கு வந்தபோது, புற்றுநோய் கட்டியால் ஆதியின் உடலில் 95% ரத்த ஓட்டம் நிறுத்தப்பட்டு, மூச்சு திணறல் ஏற்பட்டது. ரம்ஜான் பண்டிகையன்று ஆதிக்கு அறுவை சிகிச்சை மேற்கொள்ளப்பட்டு, தற்போது ஆதி நலமாக இருப்பதாகவும், 3 வாரத்துக்கு ஒரு முறை கீமோதெரபி சிகிச்சை மேற்கொள்ளப்பட்டு வருவதாக மருத்துவர்.எம்.கே.மோசா குன்ஹி கூறினார்.
ஆதியின் தாய் மெரின் ஃபபீர் கூறுகையில், ஆதி பயணம் செய்யக் கூடாது என துபாய் மருத்துவர்கள் திட்டவட்டமாக மறுத்துவிட்டனர். எனினும், கடவுள் மீது நம்பிக்கி வைத்து நாங்கள் கொச்சி கொண்டு வந்து சிகிச்சை அளித்தோம். தற்போது ஆதி நலமாக இருப்பதாக கூறினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.