வெளிநாட்டு பயணங்களின் போது அமைச்சர்கள், அரசு அதிகாரிகளுக்கு வழங்கப்படும் பரிசுப் பொருட்களில் பிரதமர் மோடியை மத்திய வெளியுறவுத்துறை அமைச்சர் சுஷ்மா சுவராஜ் பின்னுக்கு தள்ளியுள்ளார்.
பிரதமர், அமைச்சர்கள், அரசு உயர் அதிகாரிகளுக்கு அவர்களது வெளிநாட்டு பயணங்களின் போது பிரிசுப் பொருட்கள் வழங்கப்படும். இந்நிலையில், இந்த ஆண்டு அவர்கள் பெற்ற பரிசுப் பொருட்களின் விவரம் தற்போது வெளியிடப்பட்டுள்ளது. ஜனவரி - மார்ச் மாதம் வரை அவர்கள் பெற்ற பரிசுப் பொருட்களும் இந்த பட்டியலில் அடங்கும்.
அதன்படி, சுஷ்மா சுவராஜ் மொத்தம் ரூ.2.33 லட்சம் மதிப்புள்ள 29 பரிசுப் பொருட்களை பெற்றிருப்பதாகவும், பிரதமர் நரேந்திர மோடி வெளிநாடுகளில் 25 பரிசுப் பொருட்களை பெற்றிருப்பதாகவும் தெரிவிக்கப்பட்டுள்ளது. சுஷ்மா பெற்றுள்ள பரிசுப் பொருட்களில் அதிக மதிப்புள்ளதாக ரூ.40,000 மதிப்புள்ள வெள்ளி பயன்பாட்டு பெட்டியும் (யுட்டிலிட்டி பாக்ஸ்), பிரதமர் மோடி பெற்றுள்ள பரிசுப் பொருட்களில் அதிக மதிப்புள்ளதாக ரூ.18,000 மதிப்புள்ள கடிகாரமும் குறிப்பிடப்பட்டுள்ளது.
அதேபோல், குடியரசு துணைத்தலைவர் ஹமீத் அன்சாரிக்கு பெண்கள் உபயோகிக்கும் பர்ஸ் பரிசுப் பொருளாக வந்துள்ளது எனவும், பட்டியலில் 17 பரிசுப் பொருட்களுடன் மூன்றாவது இடத்தில் இருக்கும் மத்திய அமைச்சர் நிர்மலா சீத்தாராமனுக்கு காகித பெட்டி (ட்டிஷ்யு பேப்பர்) பரிசுப் பொருளாக வந்துள்ளது எனவும் அந்த பட்டியல் தெரிவிக்கிறது.
பட்டியலின் படி, ரூ.1.5 லட்சம் மதிப்புள்ள ரோலக்ஸ் கைகடிகாரம் அதிக மதிப்புள்ள பரிசுப் பொருளாகவும், அதனை ரஷ்யாவுக்கான இந்திய தூதர் பிஎஸ் ராகவன் பெற்றுள்ளதாகவும் தெரிவிக்கப்பட்டுள்ளது. அதேபோல், நிர்மலா சீதாராமன் பெற்ற ரூ.1,000 மதிப்புள்ள காகித பெட்டி (ட்டிஷ்யு பேப்பர்), குறைவான மதிப்புள்ள பரிசுப் பொருளாகவும் மதிப்பிடப்பட்டுள்ளது.
எது எப்படி இருந்தாலும், வெளிநாட்டு பயணங்கள் மதிப்பற்றது என இனிமேல் யாரும் விமர்சிக்க முடியாது போல!!
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.