பெலாரஸ் நாட்டின் அதிபரின் உத்தரவினால் ஆடையின்றி வேலை செய்யும் மக்கள், அதுதொடர்பான புகைப்படம் மற்றும் வீடியோக்களை சமூக வலைதளங்களில் வெளியிட்டு வருகின்றனர்.
ரஷியாவை ஒட்டிய ஐரோப்பிய நாடுகளில் ஒன்றான பெலாரஸ் கடுமையான நிதி பற்றாக்குறையில் சிக்கி தவிக்கிறது. அந்நாட்டின் நாணயமான ‘ருபிள்’-ன் மதிப்பு பெரும்சரிவை சந்தித்துள்ளது. கடுமையான பொருளாதார தட்டுப்பாடும், வேலையில்லா திண்டாட்டமும் தலைவிரித்து ஆடுகிறது. இந்நிலையில் அந்நாட்டு பாராளுமன்றத்தில் தொழில்நுட்பம் தொடர்பான அந்நாட்டின் அதிபர் அல்யாக்ஸன்டர் லுகான்ஷேகா பேசியபோது விடுத்த உத்தரவானது அவரை சங்கடமான நிலைக்கு தள்ளும் விதமாக அமைந்துவிட்டது.
அவருடைய உத்தரவானது அவரை யாரும் மறந்துவிடாத வண்ணம் செய்துவிட்டது. நாட்டு மக்களுக்கு உரையாற்றிய லுகான்ஷேகா நாட்டின் ‘இந்நிலையை மாற்ற வேண்டும் என்றால் நாட்டு மக்கள் அனைவரும் தங்களது ஆடைகளை கழற்றிவைத்துவிட்டு, வியர்வை சிந்த உழைக்க வேண்டும்’ என்று கூறிஉள்ளார். பேச்சின் போதும் டெவலப் என்பதற்கு பதிலாக அன்டிரஸ் என்று கூறிவிட்டார் போல, உடனடியாக மக்கள் அதிபரின் உத்தரவை ஏற்று ஆடையின்றி வேலை பார்க்க தொடங்கிவிட்டனர். அனைவரும் தங்களுடைய அலுவலகங்களில் ஆடையின்றி வேலை பார்த்து அதுதொடர்பான புகைப்படங்களை சமூக வலைதளங்களில் வெளியிட்டு வருகின்றனர். வீடியோக்களையும் வெளியிட்டு உள்ளனர்.
பெலாரஸ் நாட்டில் ரஷிய மொழியே பெருவாரியாக 72 சதவித பேர் பேசுகின்றனர். ஆனால் 12 சதவித மக்கள் பேசும் பெலாரஷியன் மொழி அரசு மொழியாக உள்ளது. பெலாரஷியன் மொழியை பொறுத்தவரையில் ’டெவலப்’ மற்றும் ’அன்டிரஸ்’ உச்சரிப்பு ஒலி ஒரேமாதிரியாக இருக்குமாம். ஆனால் லுகான்ஷேகாவின் கருத்தை சீரியஸ் ஆக எடுத்துகொண்டு மக்கள் பலர் ஆடைகளை எல்லாம் அவிழ்த்துவிட்டு, நிர்வாணமாக வேலை செய்ய தொடங்கி விட்டனர். இந்த புகைப்படங்களை சமூக வலைதளத்தில் வெளியிட்டு உள்ளனர். அதிபரை கேலி செய்யும் விதமாக மிம்களையும் சமூக வலைதளங்களில் மக்கள் வெளியிட்டு வருகின்றனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.