இந்நிலையில் வளைகுடா நாடுகளுக்குச் செல்லும் இந்திய பயணிகளின் எண்ணிக்கையைக் கருத்தில் கொண்டு ஜெட் ஏர்வேஸ், இந்தியாவில் இருந்து வளைகுடா நாடுகளின் சில பகுதிகளுக்குத் தினசரி விமானச் சேவையை அறிவித்துள்ளது.
ஜெட் ஏர்வேஸ்
திங்கட்கிழமை ஜெட் ஏர்வேஸ் அறிவித்தபடி வரும் ஆகஸ்ட் மாதம் முதல், இந்தியாவில் இருந்து வளைகுடா நாடுகளுக்குப் புதிய வழித்தடத்தில் தினசரி பயணிகள் விமானச் சேவை அறிமுகம் செய்துள்ளது.
ஷார்ஜா
இதன் படி வருகிற ஆகஸ்ட் 7ஆம் தேதி முதல் ஹைதராபாத் டூ தம்மம் (Dammam) மற்றும் மங்களூர் டூ ஷார்ஜா ஆகிய வழித்தடங்களில் புதிதாகத் தினசரி சேவையைத் துவங்கத் திட்டமிட்டு அதற்கான டிக்கெட் விற்பனையும் துவக்கியுள்ளது.
கவ்ரங் ஷெட்டி
அரேபிய வளைகுடா நாடுகளுக்குச் செல்லும் பயணிகளும் மிகச் சிறந்த சேவை மற்றும் புதிய வழித்தடத்தில் புதிய சேவை வழங்குவதில் தாம் மிகுந்த மகிழ்ச்சி அடைவதாக ஜெட் ஏர்வேஸ் நிறுவனத்தின் முழுநேர தலைவர் கவ்ரங் ஷெட்டி கூறினார்
இணைப்பும்.. நட்புறவும்..
இந்தியா மற்றும் வளைகுடா நாடுகள் மத்தியில் இணைப்பும் மேம்பட்டு வரும் இத்தகைய சூழ்நிலையில், இருநாடுகளுக்கு மத்தியிலான வர்த்தகம் மற்றும் நட்புறவை மேம்படுத்த இத்தகைய திட்டங்கள் மற்றும் சேவைகள் மிகவும் பயன்படும் எனவும் கவ்ரங் ஷெட்டி கூறினார்.
மங்களூரு
ஜெட் ஏர்வேஸ் மங்களூரில் இருந்து ஷார்ஜா மட்டும் அல்லாமல் அபுதாபி மற்றும் துபாய் போன்ற முக்கிய வர்த்தக நகரங்களுக்கும் தினசரி விமானச் சேவையை அளித்து வருகிறது குறிப்பிடத்தக்கது.
32 லட்சம் பயணிகள்
2016ஆம் ஆண்டின் ஜனவரி முதல் மார்ச் மாத காலகட்டத்தில் இந்தியா மற்றும் வளைகுடா நாடுகள் மத்தியில் சுமார் 32 லட்சம் பயணிகள் பயணித்துள்ளனர்.
640 விமானங்கள்
ஜெட் ஏர்வேஸ் விமான நிறுவனம் ஒரு வாரத்திற்கு 640 முறை வளைகுடா நாடுகளுக்குப் பயணிகள் விமானச் சேவை அளித்து வருகிறது. மேலும் இப்புதிய வழித்தடத்தில் தனது புதிய போயிங் 737-800 ரகப் புதிய விமானத்தைப் பயன்படுத்த உள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.