சித்தூர்: ஆந்திர மாநிலம் சித்தூர் அருகே நோய்வாயுற்ற 8 மாத பெண் குழந்தையை கருணை கொலை செய்ய அனுமதிக்குமாறு ஏழை பெற்றோர்கள் நீதிமன்றத்தில் கோரிக்கை மனு தாக்கல் செய்துள்ளனர்.
இவர்களின் மனுவை ஏற்காத இளநிலை நீதிமன்றம் சித்தூர் மாவட்ட நீதிமன்றம் அல்லது ஹைதராபாத் உயர் நீதிமன்றத்தை நாடுமாறு கூறியுள்ளனர். பெற்றோர் மற்றும் பச்சிளங்குழந்தையின் பரிதாப நிலை கண்டு நீதிமன்ற வழக்கறிஞர்கள் சிலர் ஒன்று கூடி ரூ.5000 நன்கொடை வழங்கினர்.
நத்தலச்செருவு அருகே பதலாபுரம் ரயில்வே கேட் பகுதியில் வசித்து வரும் ரமணப்பா மளிகைக் கடையில் பணிபுரிந்து வருகிறார். ரமணப்பாவும், அவரது மனைவி சரஸ்வதியும் இணைந்து அரியவகை கல்லீரல் நோயால் பாதிக்கப்பட்டுள்ள தங்களது மகள் ஞான சாயை கருணை கொலை செய்ய அனுமதி வழங்குமாறு தம்பள்ளபள்ளி நீதிமன்றத்தில் கோரிக்கை மனு தாக்கல் செய்துள்ளனர்.
குழந்தையின் உடல்நல சிக்கலை கருத்தில் கொண்டு, உடனடியாக கல்லீரல் மாற்று அறுவை சிகிச்சை செய்ய வேண்டும் என மருத்துவர்கள் அறிவுறுத்தியுள்ளனர். இந்த அறுவை சிகிச்சைக்கு சுமார் ரூ. 50 லட்சம் செலவாகும் என தெரிகிறது.
இது குறித்து குழந்தையின் தந்தை ரமணப்பா கூறுகையில்,'ஞானசாய்க்கு பிறவியிலேயே கல்லீரல் பிரச்னை இருப்பதாக கூறிய உள்ளூர் மருத்துவர் தொடர்ந்து சிகிச்சை அளித்து வந்தார். எங்களிடம் இருந்த மொத்த பணத்தையும் செலவழித்துவிட்டு, நண்பர்கள், உறவினர்கள் என பலரிடம் கடன் பெற்று சிகிச்சை பார்த்தோம். தற்போது எங்களிடம் எந்த பணமும் இல்லை' என கூறினார்.
மேலும், பெங்களூருவில் உள்ள தனியார் மருத்துவமனையில் தான் இந்த நோய்க்கு சிகிச்சை வழங்கப்படும் என மருத்துவர்கள் கூறுகின்றனர். அறுவை சிகிச்சை மேற்கொண்டாலும், ஞானசாய் குறைந்தது 6 ஆண்டுகள் மருத்துவர்கள் கண்காணிப்பில் இருக்க வேண்டும் என அறிவுறுத்தியுள்ளனர். இதற்கு மாதம் ரூ.50,000 வரை தேவைப்படும். என் மகளோ வலி தாங்க முடியாமல் அழுதுக்கொண்டே இருக்கிறாள் என வேதனையுடன் உள்ளூர் ஊடகம் ஒன்றுக்கு ரமணப்பா பேட்டியளித்துள்ளார்.
ஆகையால் கருணை கொலை செய்ய மாவட்ட நீதிமன்றம் அனுமதி வழங்காவிடில் ஹைதராபாத் உயர் நீதிமன்றத்தை அனுகவிருப்பதாகவும் ரமணப்பா தெரிவித்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.