ஏற்கெனவே இருந்த விதிமுறை யில் பிஎப் கணக்கிலிருந்து வெளியே எடுக்கும் பணம் ரூ.30 ஆயிரம் அல்லது அதற்குக் குறைவாக இருந்தால் டிடிஎஸ் பிடித்தம் செய்யப்படும். இந்த அளவு தற்போது ரூ.50 ஆயிரம் என அதிகரிக்கப்பட்டுள்ளதாக பிபிஎப் மூத்த அதிகாரி ஒருவர் குறிப்பிட்டுள்ளார்.
நிதிச்சட்டம் 2016 பிரிவு 192A ன் படி, பிஎப் கணக்கிலிருந்து வெளியே எடுக்கும் பணம் ரூ.30 ஆயிரம் அல்லது அதற்கு குறைவாக இருந்தால் டிடிஎஸ் பிடித்தம் செய்யப்படும் என்ற விதி இதுவரை நடைமுறையில் இருந்தது. இந்த வரம்பு தற்போது ரூ.50 ஆயிரம் என உயர்த்தப்பட்டுள்ளது. இந்த நடைமுறை இன்று (2016 ஜூன் 01) முதல் நடைமுறைக்கு வருகிறது.
பிபிஎப் கணக்கின் முதிர்வு காலத்துக்கு முன்னரே தேவை யில்லாமல் கணக்கை முடித்து அதிலிருந்து பணத்தை எடுப்ப தால், டிடிஎஸ் பிடித்தம் செய் வது அறிமுகப்படுத்தப்பட்டது. இதன் மூலம் நீண்ட கால சேமிப்பு அதிகரிக்கும் என எதிர்பார்க்கப்பட்டது. மேலும் பான் கார்டு எண் சமர்பித்தால் 10 சதவீதம் டிடிஎஸ் பிடித்தம் செய்யப்படும். பான் எண் இல்லையென்றால் கணக்கிலிருந்து எடுக்கப்படும் தொகைக்கு 34.608 சதவீதம் டிடிஎஸ் பிடித்தம் செய்யப்படும்.
பிஎப் சந்தாதாரர்கள் படிவம் 15 ஜி, அல்லது 15 ஹெச் சமர்பித்தால் டிடிஎஸ் பிடித்தம் செய்யப்படாது.
60 வயதுக்கு மேற்பட்ட மூத்த குடிமக்கள் 15 ஜி படிவமும், 60 வயதுக்கு உட்பட்டவர்கள் 15 ஹெச் படிவமும் சமர்பிக்க வேண்டும். சந்தாதாரர்கள் பான் எண் சமர்பிக்கவில்லை என்றால் கணக்கிலிருந்து எடுக்கப்படும் தொகைக்கு அதிகபட்சம் 34.60% சதவீதம் வரை டிடிஎஸ் பிடித்தம் செய்ய வாய்ப்புள்ளது.
அதேசமயத்தில் பணியிடம் மாறும்போது பிஎஃப் சந்தாதாரர் ஒரு கணக்கிலிருந்து மற்றொரு கணக்குக்கு பணத்தை மாற்றும் போது டிடிஎஸ் பிடித்தம் இருக் காது. மேலும் ஐந்து ஆண்டுகளுக்கு பிறகு பணத்தை திரும்ப எடுக்கிறபோதும் டிடிஎஸ் பிடித்தம் இருக்காது என்று வருங்கால வைப்பு நிதி ஆணையத்தின் குறிப்புகள் தெரிவிக்கின்றன.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.