பிளஸ் 2 தேர்வு முடிவுக்கு பின்னர் ரேங்க் பட்டியலில் இடம்பெற்ற பெரும்பாலான மாணவர்கள் டாக்டர், இன்ஜினியர், கலெக்டர், சிலர் சற்று வித்தியாசமாக பைலட் என்றெல்லாம் தங்கள் எதிர்காலத் திட்டங்கள் குறித்து தெரிவித்திருக்கின்றனர். ஆனால், இன்று பிளஸ் 2 தேர்வு முடிவு வெளியான பின்னர் பேட்டியளித்த சென்னை மாணவி மிக வித்தியாசமாக 'நான் பிரதமராவேன்' எனக் கூறியுள்ளார்.
பிளஸ்-2 தேர்வு முடிவுகள் இன்று (செவ்வாய்க்கிழமை) காலை வெளியாகின. பிரெஞ்சு மொழியை முதல் பாடமாக எடுத்து படித்த சென்னை குட்ஷபர்டு பள்ளி மாணவி சத்ரியா கவின் 1195 மதிப்பெண்கள் பெற்று பிறமொழி பாடப்பிரிவில் மாநிலத்திலேயே முதலிடம் பிடித்துள்ளார். அதே பள்ளியை சேர்ந்த ஸ்ருதி என்பவர் 1194 மதிப்பெண்களுடன் இரண்டாம் இடம் பிடித்துள்ளார்.
தனது வெற்றி குறித்து ஊடகங்களுக்கு பேட்டியளித்த சத்ரியா கவின், "இந்த வெற்றிக்குக் காரணமான ஆசிரியர்கள், பெற்றோர்கள், நண்பர்கள் அனைவருக்கும் நன்றி. டெல்லி பல்கலைக்கழகத்தில் மேல்படிப்பை படிக்க விரும்புகிறேன். நாட்டின் பிரதமராவதே எனது லட்சியம்" என்று தெரிவித்துள்ளார்.
பிரெஞ்சு மொழி படித்ததற்கான காரணம் குறித்து பதிலளித்த கவின், "பத்தாம் வகுப்பு வரை தமிழ் மொழிதான் படித்தேன். ஒரு புதுமொழி கற்க வேண்டும் என்ற ஆர்வத்திலேயே பிரெஞ்சு கற்றேன்" என்றார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.