இந்திய இளம் வழக்கறிஞர்கள் கூட்டமைப்பு (யூத் பார் ஆசோசியேஷன் ஆப் இந்தியா) சார்பில் உச்ச நீதிமன்றத்தில் பொது நல மனு தாக்கல் செய்யப்பட்டது. அதில், ‘நாடு முழுவதும் உள்ள அனைத்து காவல் நிலையங்களிலும் பதிவாகும் முதல் தகவல் அறிக்கையை, அடுத்த 24 மணி நேரத்துக்குள், காவல்துறையின் அதிகாரப்பூர்வ இணையதளத்தில் பதிவேற்றம் செய்ய உத்தரவிட வேண்டும். முதல் தகவல் அறிக்கை என்பது பொதுமக்கள் சார்ந்த ஆவணம். ஆனால், அதனை போலீஸாரிடம் இருந்து அவ்வளவு எளிதாக பொதுமக்களால் பெற முடிவதில்லை. எனவே முதல் தகவல் அறிக்கையின் நகலை இணையதளத்தில் வெளியிட்டால், அதை வேண்டுவோர் எளிதாக பதிவிறக்கம் செய்து பயன்படுத்திக் கொள்ள முடியும்’ என குறிப்பிடப்பட்டிருந்தது.
இந்த மனுவை விசாரித்த உச்ச நீதிமன்றம் இது தொடர்பாக பதில் அளிக்க கேட்டு மத்திய மற்றும் அனைத்து மாநில அரசுகளுக்கு நோட்டீஸ் பிறப்பிக்க உத்தரவிட்டது.
ஏற்கெனவே இந்த விவகாரம் தொடர்பாக விசாரித்த இமாச்சல பிரதேச உயர் நீதிமன்றமும், அலகாபாத் உயர் நீதிமன்றமும் முதல் தகவல் அறிக்கையை காவல் துறையின் அதிகாரபூர்வ இணையதளத்தில் பதிவேற்றம் செய்யப்படுவதை உறுதி செய்ய வேண்டும் என சம்பந்தபட்ட மாநில அரசுகளுக்கு உத்தரவிட்டிருந்தது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.