தமிழகத்தில் சமூக அக்கறையுள்ள சிலரும், சில அமைப்புகளும் சேர்ந்து சுற்றுச்சூழல் பாதுகாப்பிற்கான செயல்களை செய்து வந்தாலும், சென்னை, பள்ளிக்கரணை பகுதியில் அரசு இயந்திரத்தால் குவிக்கப்பட்டு வரும் குப்பை மேடுகளே நாம் சுற்றுசூழலில் எவ்வளவு 'அக்கறை' கொண்டிருக்கிறோம் என்பதற்கு சாட்சி. இந்த அவலங்களை களைய அரசே முயற்சி எடுத்தால் எப்படியிருக்கும்..?
சிக்கிம் மாநில அரசு இந்தியாவிலேயே முதன் முறையாக அப்படி ஒரு அதிரடியை செய்திருக்கிறது. ஆம்
அரசு மற்றும் அரசு சார்ந்த எந்த விழாக்களிலும் மினரல் வாட்டர் பாட்டில்களை பயன்படுத்தக் கூடாது என அதிரடி உத்தரவிட்டிருக்கிறது. நுரையூட்டப்பெற்ற பானங்கள் அடங்கிய பாட்டில்களுக்கும் அந்த தடையை விதித்திருக்கிறது. அரசின் இந்த உத்தரவை சிக்கிம் மாநில மக்கள் பெரிதும் வரவேற்றுள்ளனர். இதனால், எதிர்காலத்தில் குப்பைக்கூளங்கள் குறைக்கப்பட்டு சுகாதாரம் பேணப்படும் எனவும் தெரிவித்துள்ளது.
தடை செய்யப்பட்ட பாட்டில்களுக்கு பதிலாக, மறுசுழற்சி செய்யப்பட்ட தண்ணீரை பயன்படுத்தவும் பரிந்துரை செய்துள்ளது. மேலும், வேறு எந்தெந்த விதமாக தேவையில்லாத கழிவுகளை அகற்றுவது என்பது குறித்தும் சுகாதாரத் துறைக்கு மாநில அரசு அறிவுறுத்தியுள்ளது.
குப்பைக்கூளங்கள் பஜார்களில் மட்டுமின்றி கிராமப் புறங்களிலும் அதிகரித்துள்ளது என்பதை சுட்டிக் காட்டியுள்ள சிக்கிம் அரசு, பயன்படுத்தி தூக்கி எறியப்படும் பொருட்களில் இருந்து நாம் அன்றாட தேவைக்கான, ஸ்பூன், பிளேட்ஸ், கண்டெயினர்கள் போன்ற பொருட்களையும் உடனடியாக தயாரிக்க வேண்டும்' எனவும் உத்தரவிட்டுள்ளது.
மாநில சுகாதாரத்துறை அமைச்சர் பிரேம் தாஸ் ராய், கேபினெட் மீட்டிங்கில் கூறுகையில், ''நாம் தான் இந்தியாவிலேயே பிளாஸ்டிக் பாட்டில்கள் மற்றும் பிளாஸ்டிக் பைகளுக்கு தடை விதிக்கும் முன்னோடி மாநிலமாக திகழப் போகிறோம். வெளிநாடுகளில் இருந்து மலைப்பகுதிகளுக்கு வரும் சுற்றுலாப் பயணிகளால் தூக்கி எறியப்படும் பிளாஸ்டிக் பைகள் மற்றும் பாட்டில்கள்தான் சுற்றுச்சூழலை பெரிதும் மாசுபடுத்துகிறது. இதற்கும் தடைவிதிக்க உத்தரவிட்டுள்ளோம்.'' என்றார்.
சிக்கிம் மாநிலத்தின் இந்த அதிரடி நடவடிக்கை நாட்டின் அடுத்தடுத்த மாநிலங்களிலும் செயல்பாட்டுக்கு வந்தால் எப்படி இருக்கும்.....?
சுற்றுப்புறச்சூழல் சீர்கேட்டினை களைவதில் அரசுகள் அக்கறை கொள்ளுமா...?
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.