அப்படியெனில் உங்களுக்கு அளவுக்கு அதிகமான சரும வறட்சி உள்ளதென்று அர்த்தம். அத்தகையவர்கள் அன்றாடம் ஒருசில விஷயங்களை செய்யக்கூடாது. அவற்றைச் செய்தால் நிலைமை இன்னும் மோசமாகக்கூடும்.
எனவே இங்கு தமிழ் போல்ட் ஸ்கை வறட்சியான சருமம் உள்ளவர்கள் தினமும் செய்யக்கூடாத சில விஷயங்களைப் பட்டியலிட்டுள்ளது.
முகத்தை அடிக்கடி கழுவுவது
வறட்சியான சருமம் கொண்டவர்கள், அடிக்கடி முகத்தைக் கழுவக் கூடாது. குறிப்பாக சோப்பு அல்லது ஃபேஸ் வாஷைப் பயன்படுத்தக்கூடாது. ஏனெனில் இது வறட்சியை மேன்மேலும் அதிகரிக்கக்கூடும். எனவே அளவுக்கு அதிகமான சரும வறட்சியைக் கொண்டவர்கள், ஒரு நாளைக்கு 2 முறைக்கு மேல் முகத்தை நீரில் கழுவக்கூடாது.
கடுமையான சோப்புக்கள்
சோப்புக்களில் அதிகப்படியான அமிலம் அல்லது pH அளவு அதிகமாக இருந்தால், அந்த சோப்புக்களைப் பயன்படுத்தக்கூடாது. வேண்டுமானால் கிளிசரின் கொண்ட சோப்புக்களைப் பயன்படுத்தலாம். ஏனெனில் இது சருமத்தை நீண்ட நேரம் ஈரப்பசையுடன் வைத்துக் கொள்ளும்.
சுடுநீர் குளியல்
குளிர்கிறது என்று மிகவும் சூடான நீரில் குளிக்கக்கூடாது. அப்படி குளித்தால், அது சருமத்தில் உள்ள இயற்கையான எண்ணெய் பசையை முற்றிலும் வெளியேற்றி, சரும வறட்சியை மேன்மேலும் அதிகரிக்கும். எனவே குளிர்ந்த அல்ல வெதுவெதுப்பான நீரில் மட்டுமே குளிக்க வேண்டும்.
ஆப்டர் ஷேவ் லோசன்
வறட்சியான சருமம் கொண்ட ஆண்கள் ஆப்டர் ஷேவ் லோசனைப் பயன்படுத்துவதைத் தவிர்க்க வேண்டும். குறிப்பாக pH அளவு அதிகம் கொண்ட லோசனைப் பயன்படுத்தவே கூடாது. வேண்டுமானால் pH குறைவாக உள்ள மற்றும் கிளிசரின் அல்லது கற்றாழை ஜெல் கொண்ட ஆப்டர் ஷேவ் லோசனைப் பயன்படுத்தலாம்.
டோனர்
டோனர்களும் சருமத்தை மேலும் வறட்சியடையச் செய்யும். எனவே வறட்சியான சருமம் உள்ளவர்கள் டோனரை தினமும் பயன்படுத்துவதைத் தவிர்க்க வேண்டும்.
போதிய அளவு தண்ணீர் குடிக்காமல் இருப்பது
சருமம் அதிகம் வறட்சியடைவதற்கு போதிய அளவில் தண்ணீர் பருகாமல் இருப்பதும் ஓர் காரணம். எனவே வறட்சியான சருமம் உள்ளவர்கள், தினமும் தவறாமல் குடிக்கும் நீரின் அளவை அதிகரிக்க வேண்டியது அவசியம்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.