ஆனால் இந்த எனர்ஜி பானங்களால் தற்காலிகமாக உடலின் ஸ்டாமினா அதிகரிக்குமே தவிர, அதனை தினமும் பருகி வந்தால், அதனால் பல மோசமான பக்க விளைவுகளை சந்திக்க நேரிடும். ஆகவே உடலின் ஸ்டாமினாவை அதிகரிக்க கண்ட பானங்களை வாங்கிப் பருகாமல், இயற்கையாக வீட்டிலேயே ஒருசில பானங்களைத் தயாரித்துப் பருகுங்கள்.
இங்கு உடலின் ஸ்டாமினாவை அதிகரிக்கும் சில இயற்கை பானங்கள் கொடுக்கப்பட்டுள்ளன. அதைப் படித்து தெரிந்து அவற்றை தினமும் பருகி உங்கள் ஸ்டாமினாவை அதிகரித்துக் கொள்ளுங்கள்.
சாக்லேட் மில்க் ஷேக்
சாக்லேட் மில்க் ஷேக்கில் கார்போஹைட்ரேட் அதிகமாகவும், கொழுப்புக்கள் குறைவாகவும் உள்ளது. எனவே ஜிம்மில் உடற்பயிற்சி செய்பவர்கள், தினமும் உடற்பயிற்சி செய்வதற்கு 1 மணிநேரத்திற்கு முன் பருக வேண்டும்.
நன்மைகள்
சாக்லேட் மற்றும் பாலில் ஆற்றல் அதிகம் நிறைந்துள்து. எனவே இவற்றைப் பருகினால் உடற்பயிற்சியின் போது தேவையான ஆற்றல் கிடைத்து, கலோரிகள் அதிகம் எரிக்கப்படும்.
வேர்க்கடலை வெண்ணெய் வாழைப்பழ ஸ்மூத்தி
வேர்க்கடலை வெண்ணெய் வாழைப்பழ ஸ்மூத்தியானது வாழைப்பழம், பாதாம் பால், வேர்க்கடலை வெண்ணெய் போன்றவை சேர்த்து தயாரிக்கப்படுவதால், இதனைப் பருகினால் உடலுக்கு ஆற்றல் அதிகம் கிடைப்பதோடு, அதில் உள்ள அதிகப்படியான பொட்டாசிய சத்தும், கலோரிகளும் உள்ளது. இருப்பினும் வேர்க்கடலையில் புரோட்டீன்கள், வைட்டமின்கள், இதர சத்துக்களும் அதிகம் உள்ளதால், இதனை பருகுவதால் உடனடி ஆற்றல் கிடைக்கும்.
பீட்ரூட் ஜூஸ்
தினமும் ஒரு டம்ளர் பீட்ரூட் ஜூஸ் பருகினால், உடலுக்கு போதிய அளவு சக்தி கிடைத்து, நாள் முழுவதும் சுறுசுறுப்புடனும், ஆற்றலுடனும் செயல்பட உதவும். மேலும் ஆய்வு ஒன்றில் பீட்ரூட் ஜூஸ் பருகாதவர்களை விட, பருகுவோர் 16 சதவீதம் அதிகமாக உடற்பயிற்சி செய்யப்படுவதாக தெரிய வந்துள்ளது.
வாழைப்பழ மில்க் ஷேக்
வாழைப்பழ மில்க் ஷேக்கில் கார்போஹைட்ரேட் மற்றும் புரோட்டீன் அதிகம் உள்ளது. ஆகவே உடற்பயிற்சி செய்வோர் ஒரு டம்ளர் வாழைப்பழ மில்க் ஷேக்கை பருக, உடனடி ஆற்றல் கிடைப்பதோடு, நீண்ட நேரம் உடலில் ஆற்றல் தக்க வைக்கப்படும்.
தண்ணீர்
முக்கியமாக தண்ணீரை விட ஸ்டாமினாவை வழங்கும் சிறந்த பானம் வேறும் எதுவும் இல்லை. தண்ணீர் தசைகளையும், உடலையும் வறட்சி அடையவிடாமல் நன்கு ஈரத்தன்மையுடன் வைத்துக் கொள்ளும். ஆகவே உடலில் ஸ்டாமினாவைத் தக்க வைக்க தினமும் அடிக்கடி தண்ணீரைப் பருக வேண்டியது அவசியம்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.