ஜப்பான் தலைநகர் டோக்கியோவில் உள்ள விமான நிலையத்தில் தென்கொரியா நாட்டுக்கு சொந்தமான விமானத்தில் திடீரென புகை எழுந்ததால் அதில் இருந்த 300 பயணிகளும் அவசரவாயில் வழியாக வெளியேற்றப்பட்டனர்.
ஜப்பான் தலைநகர் டோக்கியோவில் உள்ள ஹனேடா விமான நிலையத்தில் இருந்து தென்கொரியா நாட்டுக்கு சொந்தமான விமானம் சியோல் நகரை நோக்கி புறப்பட தயாரானது. அப்போது, விமானத்தின் இடதுப்புற என்ஜினில் இருந்து திடீரென புகை எழுந்தது.
இதையடுத்து, நான்கு அவசரவாயில்களும் திறக்கப்பட்டன. உள்ளே இருந்த 302 பயணிகளும், விமானி, துணைவிமானி, பணிப்பெண்கள் உள்ளிட்ட 17 பணியாளர்களும் அவசரவாயில் வழியாக வெளியேற்றப்பட்டனர்.
அதற்குள் விரைந்துவந்த தீயணைப்பு வாகனங்கள் நுரையை பீய்ச்சியடித்து புகையை கட்டுப்படுத்தின. இதனால் கடற்கரையோரம் அமைந்துள்ள ஹனேடா விமான நிலையத்தில் சிறிதுநேரம் பரபரப்பு ஏற்பட்டது. விமான ஓடுபாதையை ஒட்டியுள்ள புல்வெளியில் நின்றபடி ஏராளமான மக்கள் விமானத்தின்மீது நுரையை தெளிக்கும் காட்சியை வேடிக்கை பார்த்தனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.