49O என்பது, நான் வாக்களிக்க விரும்பவில்லை என்று தெரிவிப்பது.
நோடா – 49ஓ ஆகிய இரண்டுக்கும் உள்ள முக்கிய வித்தியாசங்கள் –
1. இரகசியத்தன்மை.
2. 49ஓவில் வாக்களிக்க விரும்பவில்லை என்கிறீர்கள். நோடாவில், வாக்களித்தல் என்னும் கடமையைச் செய்ய விரும்புகிறீர்கள், ஆனால் இந்த வேட்பாளர்களுக்கு வாக்களிக்க மாட்டேன் என்று கூறுகிறீர்கள்.
நோடாவுக்கு வாக்களிக்கும்போது, நீங்கள் வேட்பாளருக்கு வாக்களித்தீர்களா, நோடாவுக்கு வாக்களித்தீர்களா என்பது யாருக்கும் தெரியாது.
ஆனால் 49ஓ என்பது உண்மையில் வாக்களித்தல் அல்ல. வாக்குச்சாவடியில் பதிவு செய்த பிறகு 17ஏ என்ற படிவத்தில், உங்கள் வாக்காளர் எண் உள்ளிட்ட விவரங்களைப் பதிவு செய்து, வாக்களிக்க விரும்பவில்லை என்று கையெழுத்துப் போட்டுக் கொடுக்கிறீர்கள். இதன் காரணமாக, ரகசியத்தன்மை இல்லாமல் போகிறது.
இன்னொரு முக்கிய விஷயம் - 49ஓ இப்போது இல்லை. உச்சநீதிமன்றம் இதை தடை செய்துவிட்டது. பீபிள்ஸ் யூனியன் ஃபார் சிவில் லிபர்டீஸ் என்ற அமைப்பு தொடுத்த வழக்கில், 49ஓ-வை நீக்கிவிட்டு நோடா என்றொரு பொத்தானை அறிமுகம் செய்ய வேண்டும் என 2013 செப்டம்பரில் உச்சநீதிமன்றம் உத்தரவிட்டது.
பல நாடுகளின் தேர்தல் முறையை பரிசீலித்த உச்சநீதிமன்றம், வாக்குச்சீட்டு தாள் வடிவில் இருந்தாலும் சரி, எலக்டிரானிக் ஈவிஎம் இயந்திரமாக இருந்தாலும் சரி, நோடா என்றொரு பெயரை சேர்க்க வேண்டும் என உத்தரவிட்டது. இதை படிப்படியாக, வசதிப்போல செயல்படுத்தலாம் என்று கூறியது. இப்போது இந்தியாவில் எலக்டிரானிக் இயந்திரம்தான் பயன்படுத்தப்படுவதால் NOTA பொத்தான் கடைசியாக இடம் பெறுகிறது.
முந்தைய பதிவில் எழுதியதுபோல, நோடாவுக்கு அதிக வாக்குகள் கிடைத்தால் மறுதேர்தல் ஏதும் வந்து விடாது. நோடாவுக்கு அடுத்தபடியாக யார் அதிக வாக்குகள் பெற்றாரோ அவர் வெற்றி பெறுவார். (100 சதவிகிதம் நோடாவுக்கே விழுந்தால்...? என்று கேட்கும் அதி...............கள் சற்றே ஒதுங்கிக் கொள்ளவும்.) இப்போதைக்கு நோடா வாக்குகள் என்பது செல்லாத வாக்குகள் போலத்தான்.
நோடாவில் உள்ள சாதகங்கள் – 1. எத்தனை சதவிகித மக்கள் வேட்பாளர்களை வெறுக்கிறார்கள் என்பது தெரிய வரும். இதனால் அரசியல் கட்சிகளுக்கு பயம் வரக்கூடும், நேர்மையானவர்களை தேர்தலில் நிறுத்தக்கூடும். 2. ஒருவேளை நீங்கள் வாக்களிக்கச் செல்லவில்லை என்றால் போலிகள் உங்கள் வாக்கைப் பயன்படுத்த முடியாமல் செய்யும்.
இன்றைய நிலையில் நோடா போதுமான தீர்வு அல்ல. நிராகரிப்பதற்கான உரிமை - Right To Reject (RTR) வேண்டும் என்பது ஒரு கோரிக்கை. ஒரு தொகுதியில் NOTA அல்லது RTR-க்கு அதிக வாக்குகள் கிடைத்தால், மறுதேர்தல் நடத்தப்பட வேண்டும் என்று திருத்தம் செய்யப்படாத வரையில் இதனால் பயன் ஏதும் இல்லை.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.