சென்னை மாநகர மக்களின் தேவையை பூர்த்தி செய்யும் வகையில், போக்குவரத்து இணைப்பில்லா பகுதிகளிலிருந்து அருகில் உள்ள பஸ் நிலையம், ரயில் நிலையம் மற்றும் விமான நிலையத்தை இணைக்கும் வகையில் 100 சிறிய பஸ்கள் இயக்கப்பட்டு வருகின்றன. சிறிய பஸ்ஸில் குறைந்தபட்ச கட்டணம் ரூ.5 அதற்கு மேல் ரூ.6, ரூ.8 ரூ.9 என்று வசூலிக்கப்படுகிறது. சிறிய பஸ்ஸில் 27 பேர் உட்கார்ந்து செல்லலாம். இது பொதுமக்களிடம் வரவேற்பு பெற்றதையடுத்து மேலும், 100 சிறிய பஸ்கள் இயக்கப்படும் என முதல்வர் கடந்த 2014-ம் ஆண்டு அறிவித்தார்.
அதன்படி, கடந்த பிப்ரவரியில் 65 சிறிய பஸ்களும், மார்ச் 1-ம் தேதி 40 சிறிய பஸ்களும் தொடங்கி வைக்கப்பட்டன. கோடம்பாக்கம், அம்பத்தூர், மாங்காடு, திருவேற்காடு, வேளச் சேரி, கோயம்பேடு, பெரம்பூர், மேடவாக்கம், அஸ்தினாபுரம், ஆவடி, பூந்தமல்லி, பெருங் களத்தூர் உட்பட பல்வேறு இடங் களில் இயக்கப்பட்டு வருகின்றன. குறிப்பாக பஸ் நிலையம், மின்சார ரயில் நிலையம், மெட்ரோ ரயில் நிலையங்களை இணைக்கும் வகையில் புதிய சிறிய பஸ்கள் இயக்கப்படுகின்றன.
இது தொடர்பாக மாநகர போக்குவரத்துக்கழக அதிகாரிகள் கூறும்போது, ‘‘சென்னையில் இயக்கப்படும் சிறிய பஸ்கள் மக்களிடம் பெரும் வரவேற்பை பெற்றுள்ளன. இதனால், ஆட்டோ, கால் டாக்ஸியை நம்பி இருந்த மக்கள் சிறிய பஸ்களில் பயணம் செய்கின்றனர். ஒவ்வொரு சிறிய பஸ் மூலமும் நாள்தோறும் தலா ரூ.3,500 வசூலாகிறது. இதற்கான பராமரிப்பு செலவும் குறைவு என்பதால், போக்குவரத்துக் கழகத்துக்கு கூடுதல் வருவாய் பெற உதவியாக இருக்கிறது’’ என்றனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.