பெரும்பாலும் தன்னம்பிக்கை இழக்கும் தருவாயில் தான் நாம் உறவிலும், வேலையிலும், வளர்ச்சியிலும் சரிவை சந்திக்கிறோம். தன்னம்பிக்கையை வளர்க்க மருந்து ஏதேனும் இருந்தால் அது தான் தற்போதைய உலகில் அதிகம் விற்பனையாகும் பொருளாக இருக்கும்.
தன்னம்பிக்கை வளர்ப்பதற்கான மருந்து உங்களிடமே இருக்கிறது. ஆம் அது நீங்கள் தான்.., உங்களுடைய எண்ணம் தான்….
தோற்றம்
கருப்பாக இருப்பினும் சரி, வெள்ளையாக இருப்பினும் சரி, முகம் வடிவாக இருப்பினும் சரி, இல்லாவிடிலும் சரி நீங்கள் அழகு தான் என்பதை மனதால் நம்புங்கள். உங்கள் தன்னம்பிக்கையை வளர்த்துக் கொள்ள உதவும் முதல் கருவி உங்களை நீங்களே உயர்வாக எண்ணுவது தான்.
எதிர்மறை எண்ணங்கள்
எக்காரணம் கொண்டும், எந்த செயலில் ஈடுபடும் போதும், துவங்கும் போதும் எதிர்மறையாக எண்ண வேண்டாம். இது உங்கள் தன்னம்பிக்கியை கெடுக்கும் செயலாகும். எனவே, எப்போதும் நேர்மறையாக எண்ண துவங்குங்கள். தோற்றாலும் கூட அடுத்த முயற்சியில் கண்டிப்பாக வெற்றியடைய முடியும் என நம்புங்கள்.
பிரதிபலிப்பு
சமூகத்தில் நீங்கள் பிரதிபலிக்கும் படி செயல்களில் ஈடுபடுங்கள். மற்றவர்களுக்கு உதவுங்கள். முடிந்த வரை வார்த்தை அளவிலாவது மனதுக்கு ஆறுதலாக பேசுங்கள். சமூகத்தில் உங்கள் பெயர் வளர, வளர உங்கள் தன்னம்பிக்கையும் வளரும்.
பண்பு
மற்றவரிடம் பண்பாக, அன்பாக நடந்துக் கொள்ளுங்கள், கனிவாக பேசுங்கள்.
தன்னடக்கம்
உங்களை பற்றி நீங்களாக தற்பெருமையாக பேச வேண்டாம். மேலும், மற்றவர்கள் புகழ்ந்தாலும் வானுயரத்திற்கு சென்றுவிட வேண்டாம். தன்னடக்கம் உங்கள் தன்னம்பிக்கையை வளர்க்கும்.
தொலைநோக்கு பார்வை
உங்களது திட்டங்கள், முயற்சி, செயல்பாடுகள் என அனைத்தையும் தொலைநோக்கு பார்வையில் காண துவங்குங்கள். இது நீங்கள் தோல்வியடையாமல் இருக்க உதவும்.
பயிற்சி
வேலை மட்டுமின்றி உடற்பயிற்சியும் கூட மிகவும் முக்கியமாகும். உடலும், மனதும் ஒரு சேர்ந்து வலுமையாக இருப்பது உங்கள் தன்னம்பிக்கையை வளர்க்க உதவும்.
அக்கறை
உங்கள் மீதும், உங்களை சுற்றி இருக்கும் உறவினர், நட்பு வட்டாரத்தின் மீதும் அக்கறை எடுத்துக் கொள்ளுங்கள். தானுண்டு தன் வேலையுண்டு என்று இருக்காமல், உங்கள் அருகில் இருப்பவருக்கு ஏதேனும் உதவி வேண்டும் எனில் தயங்காமல் நீங்களாக சென்று உதவுங்கள்.
திட்டங்கள்
எடுத்தோம், கவிழ்த்தோம் என்றில்லாமல், எதையும் திட்டமிட்டு செய்ய துவங்குங்கள். ஒரு தடவைக்கு பல தடவை யோசித்து களத்தில் இறங்குங்கள். மேலும், பலரிடம் ஆலோசனை பெற்று நீங்களாக ஓர் தீர்க்கமான முடிவை எடுக்க கற்றுக் கொள்ளுங்கள்.
அச்சம்
அச்சம் தவிர்! தோல்வியும் சரி, வெற்றியும் சரி இரண்டுமே நிலையற்றவை தான். மேகத்தை போல அவை உங்கள் வாழ்க்கையில் கடந்துக் கொண்டே இருக்கும். எனவே, எதை கண்டும் அச்சம் கொள்ள வேண்டாம்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.