ஆகவே தமிழ் போல்ட் ஸ்கை முலாம் பழத்தை சாப்பிடுவதால் கிடைக்கும் நன்மைகள் என்னவென்று பட்டியலிட்டுள்ளது. அதைப் படித்து தெரிந்து கொண்டு, இனிமேல் அப்பழத்தை வாங்கி சாப்பிட மறவாதீர்கள்.
மலச்சிக்கல்
முலாம் பழத்தில் நார்ச்சத்துக்களும், நீர்ச்சத்துக்களும் அதிகம் உள்ளதால், இதனை உட்கொண்டால் மலச்சிக்கல் நீங்கும்.
நோயெதிர்ப்பு சக்தி வலிமையடையும்
முலாம் பழத்தில் வைட்டமின் சி அதிகம் உள்ளது. இது உடலில் உள்ள வெள்ளையணுக்களைத் தூண்டி, நோயெதிர்ப்பு மண்டலத்தை வலிமையுடன் வைத்துக் கொள்ள உதவும்.
கண் ஆரோக்கியம்
முலாம் பழத்தை தொடர்ச்சியாக உட்கொண்டு வருவது கண்களுக்கு நல்லது. மற்றும் முலாம் பழம் கண் புரை ஏற்படும் அபாயத்தைக் குறைக்கும். ஏனெனில் இதில் வைட்டமின் ஏ மற்றும் பீட்டா கரோட்டீன்கள் அதிகம் உள்ளது.
இரத்த அழுத்தம்
முலாம் பழத்தில் பொட்டாசியம் அதிகம் உள்ளதால், இது இரத்த அழுத்தத்தை சீராக்கி, உயர் இரத்த அழுத்தத்தினால் ஏற்படும் அபாயத்தில் இருந்து தடுக்கும்.
எடை குறைய உதவும்
முலாம் பழத்தில் கொழுப்புக்கள் சுத்தமாக இல்லை. மேலும் எளிதில் உடையக்கூடிய அளவிலான நல்ல கார்போஹைட்ரேட்டுகள் மற்றும் நீர்ச்சத்துக்கள் அதிகம் உள்ளதால், இதனை உட்கொண்டால், நீண்ட நேரம் பசி எடுக்காமல் இருக்கும். இதனால் உடல் எடையை வேகமாக குறைக்கலாம்.
சர்க்கரை நோய் கட்டுப்படும்
முலாம் பழம் இரத்த சர்க்கரை அளவை சீராக பராமரித்து, சர்ச்சரை நோயைக் கட்டுப்பாட்டுடன் வைத்துக் கொள்ள உதவும்.
அல்சர்
அல்சர் பிரச்சனையை இப்பழம் சரிசெய்யும். ஏனெனில் இதில் வைட்டமின் சி அதிகம் உள்ளது.
சிறுநீரக கற்கள்
முலாம் பழத்தில் உள்ள ஆக்ஸிகைன் என்னும் பொருள் சிறுநீரக கற்களைக் கரைப்பதாக ஆய்வில் நிரூபிக்கப்பட்டுள்ளது. மேலும் இதில் நீர்ச்சத்து அதிகம் இருப்பதால், இதனை உட்கொண்டால் சிறுநீரகங்களும் சுத்தமாகும்.
தூக்கமின்மை
முலாம் பழம் தசைகள் மற்றும் நரம்புகளை ரிலாக்ஸ் அடையச் செய்து, தூக்கமின்மையால் அவஸ்தைப்படுபவர்களுக்கு இரவில் நிம்மதியான தூக்கத்தைப் பெற உதவும்.
இதய நோய்கள்
முலாம் பழத்தில் உள்ள அடினோசைன் என்னும் இரத்தம் உறைவதைத் தடுக்கும் பொருள், இதய பிரச்சனைகள் ஏற்படாமல் தடுக்கும்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.