தற்போது சுமார் 100 கோடி ரூபாய் கொடுத்தால் விண்வெளி சுற்றுலா செல்ல முடியும். அமெரிக்கா மற்றும் ரஷ்யா அனுப்பும் விண்கலனில் பயணம் செய்து விண்வெளியில் சுற்றும் சர்வதேச விண்வெளி நிலையத்துக்குச் சென்று தங்கி வரலாம்.
இவர்களைப் போன்ற பயணிகளுக்கு உற்சாகம் ஊட்டும் வகையில் விண்வெளியில் ஓர் ஓட்டல் கட்ட இருக்கின்றனர். லண்டனைச் சேர்ந்த இம்பீரியல் கல்லூரி மற்றும் ராயல் கல்லூரியில் இன்னோவேசன் டிசைன் இன்ஜினியரிங் (புதுவை வடிவமைப்புப் பொறியியல்) முதுகலை பட்டப்படிப்பு படிக்கும் மாணவர்கள் இதற்கான திட்டத்தில் இறங்கி உள்ளனர்.
இவர்களுக்கு நாசா மற்றும் ஐரோப்பிய விண்வெளி மையத்தில் பணியாற்றிய விஞ்ஞானி டேனியல் பெட்டினி வழிகாட்டியாகச் செயல்பட்டு வருகிறார்.
இந்த விண்வெளி ஓட்டல் பூமியில் இருந்து 100 மைல் உயரத்தில் நிறுவப்பட உள்ளது. ஓட்டலுக்கான ஒரு பகுதி திட்டங்களை மாணவர்கள் முடித்து விட்டனர். அறைகள் மற்றும் ஓட்டலின் முழு வடிவத்தை கம்ப்யூட்டரின் உதவியுடன் வடிவமைத்து இருக்கின்றனர்.
இந்த ஓட்டலில் சுற்றுலாப் பயணிகளுக்கான பல சிறப்பு வசதிகளை மாணவர்களே வடிவமைத்து உள்ளனர். விண்வெளி ஈர்ப்பு விசையும், புவியில் உள்ள ஈர்ப்பு விசையும் ஒன்றுபோல் இருக்காது. எனவே, இந்த விண்வெளி ஓட்டலில் பூமியில் இருப்பது போன்று தங்கும் அளவுக்கு புவி ஈர்ப்பு வசதி தொடர்பான ஏற்பாடுகள் செய்யப்பட்டுள்ளது.
***
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.