போடியில் தே.மு.தி.க- மக்கள் நலக்கூட்டணி வேட்பாளருக்கு ஆதரவாக பிரேமலதா பிரசாரம் செய்தார். அப்போது பேசிய அவர், “போடித் தொகுதியில் அ.தி.மு.க சார்பாக, நம்மை எதிர்த்து போட்டியிடும் யு.பி.எஸ்” என்று நிறுத்தியவர், “ஆமாம் அவர் பெயர் ஓ.பி.எஸ் இல்லை, யு.பி.எஸ்” என்றார். பின்பு அதற்கு விளக்கமளித்த பிரேமலதா, “அம்மா ஜெயிலுக்கு போனால், இந்த யுபிஎஸ் 'ஆன்' ஆகும், அம்மா வெளியே வந்தவுடன் 'ஆஃப்' ஆகும்.
தமிழ்நாட்டில் உள்ள மொத்த மணல் கொள்ளைக்கும் தலைவர் யார் தெரியுமா? ஓ.பி.எஸ்-சும், அவர் தம்பி ராஜாவும்தான். மக்கள் பணத்தில் ஊழல் செய்கின்ற, மக்கள் பணத்தை கொள்ளை அடிக்கின்ற ஓ.பி.எஸ் போன்றோருக்கு நாங்கள் ஆட்சிக்கு வந்தால் நிரந்தர ஜெயில் கிடைக்கும்.
இதுவரை 110 விதியில் 824 அறிவிப்புகள் அறிவித்துள்ள ஜெ., அதில் இதுவரை ஒரு திட்டங்கள் கூட செயல்படுத்தவில்லை. “மக்களுக்காக நான் மக்களால் நான்” “உங்களுக்காத்தான் நான்” என்றெல்லாம் சினிமா டயலாக் பேசும் ஜெயலலிதாவிற்கு, மக்கள் மீது துளி கூட அக்கறை கிடையாது. அப்படி உங்களுக்காகத்தான் நான் என்று கூறும் ஜெயலலிதாவை, மக்களோடு மக்களாக சிறிது நேரம் வெயில்ல நிக்க சொல்லுங்க பார்க்கலாம்.
ஜெயலலிதாவிற்கு எப்படி தெரியும் மக்கள் கஷ்டம், பிரசாரம் என்ற பெயரில் மக்களை, கூண்டில் அடைத்து, வெயில்ல தண்ணீர் கூட இல்லாமல், மக்களை பிரசாரக் கூட்டத்தில் இருந்து வெளியிலும் விடாமல் அடைத்து வைத்து சாகடிக்கிறார். மீட்டிங் நடத்த சுமார் 10 கோடி செலவு செய்யும் ஜெ, உண்மையாக மக்களைப் பற்றி சிந்திக்கிறார் என்றால் இன்னும் ஒரு 2 கோடி செலவு செய்து மக்களுக்காவும் பந்தல் அமைக்கலாமே?” என சாடினார் பிரேமலதா.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.