அதிலும் பச்சை நிற காய்கறிகளைக் கொண்டு செய்யப்படும் ஜூஸில் கனிமச்சத்துக்களும், குளோரோஃபில்களும் அதிகம் இருப்பதால், அம்மாதிரியான ஜூஸை இரவில் தூங்கும் முன் குடித்தால், உடல் சுத்தமாவதோடு, புதிய செல்கள் உருவாவதோடு, இரத்தமும் சுத்தமாகும்.
சரி, இப்போது உடலை சுத்தம் செய்ய இரவில் படுக்கும் முன் குடிக்க வேண்டிய ஜூஸ் பற்றி காண்போம்.
துளசி
துளசி மருத்துவ குணமிக்க ஓர் மூலிகைப் பொருள். இதில் ஆன்டி-ஆக்ஸிடன்ட்டுகள் அதிகம் உள்ளது மற்றும் ஆன்டி-பாக்டீரியல் பொருட்களும் அதிகம் உள்ளதால், இதனை உடலை சுத்தமாகவும், பாதுகாப்புடனும் வைத்துக் கொள்ளும். மேலும் துளசியில் மாங்கனீசு, மக்னீசியம் மற்றும் வைட்டமின் ஏ போன்ற சத்துக்களும் அதிகம் உள்ளது.
வெள்ளரிக்காய்
வெள்ளரிக்காய் நம் உடலை குளிர்ச்சியுடன் வைத்துக் கொள்ள உதவும். மேலும் இது செல்களை ஈரப்பசையுடனும், உடல் வறட்சியைத் தடுத்தும், கழிவுகளை உடலில் இருந்து வெளியேற்றவும் செய்யும். அதமட்டுமின்றி வெள்ளரிக்காய் உடலில் உள்ள யூரிக் அமிலத்தின் அளவைக் குறைக்கவும் செய்யும்.
பசலைக்கீரை
பசலைக்கீரையில் இரும்புச்சத்து அதிகம் உள்ளதால், இது செல்களுக்கு வலிமையை அளித்து, இரத்த செல்களின் அளவை அதிகரித்து, குடலை சுத்தமாக வைத்துக் கொள்ள உதவும். மேலும் பசலைக்கீரை அனைத்து வகையான புற்றுநோய் அபாயத்தையும் குறைக்கும். இதில் மாங்கனீசு, சோடியம், பாஸ்பரஸ், பொட்டாசியம், மக்னீசியம், கால்சியம், அயோடின், வைட்டமின் ஏ, பி, சி, கே மற்றும் கரோட்டினாய்டு போன்றவைகளும் உள்ளது.
எலுமிச்சை
எலுமிச்சை உடலை சுத்தம் செய்ய உதவும் பொருட்களில் முதன்மையானது. மேலும் இது கல்லீரல் செயல்பாட்டை மேம்படுத்தும். இதில் உள்ள வைட்டமின் சி புத்துணர்ச்சியுடன் வைத்துக் கொள்ளும். எலுமிச்சையில் உள்ள ப்ளேவோனாய்டுகள் புற்றுநோய் செல்களை எதிர்த்துப் போராடும்.
ஜூஸ் செய்முறை
சிறிது துளசியை எடுத்துக் கொண்டு, அத்துடன் 2 கப் பசலைக்கீரை, 1 கப் வெள்ளரிக்காய் மற்றும் சிறிது லெட்யூஸ் கீரை சேர்த்து நன்கு அரைத்துக் கொள்ள வேண்டும். பின் அதனை டம்ளரில் ஊற்றி, அதில் ஒரு எலுமிச்சையைப் பிழிந்து சாறு எடுத்து சேர்த்து கலந்து, இரவில் படுக்கும் முன் பருக வேண்டும்.
நார்ச்சத்து
இந்த ஜூஸில் நார்ச்சத்து அதிகம் உள்ளதால், இதனை குடிப்பதன் மூலம் உடல் சுத்தமாவதோடு, குடலியக்கம் மேம்பட்டு, கழிவுகள் மிகவும் எளிமையாக வெளியேற்றப்படும். மேலும் இதில் சர்க்கரை எதுவும் சேர்க்கப்படாததால், இது முற்றிலும் ஆரோக்கியமான பானமும் கூட.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.